Border News Agency
မကွေး၊ နိုဝင်ဘာ ၇။
အာရက္ခပြည်လူထုခေါင်းဆောင် စစ်ဦးစီးချုပ် ဗိုလ်ချုပ်ထွန်းမြတ်နိုင်ရဲ့ အသက်လေးဆယ့်ရှစ်နှစ်ပြည့် မွေးနေ့အတွက် လူထုတော်လှန်ရေး မဟာမိတ်အင်အားစု (PRA-Magway) က နိုဝင်ဘာလ ၇ ရက်၊ ဒီနေ့မှာ သဝဏ်လွှာ ပေးပို့လိုက်ပါတယ်။
အဲဒီသဝဏ်လွှာမှာ ဗိုလ်ချုပ်ထွန်းမြတ်နိုင်အနေနဲ့ အသက်ရှည်ကျန်းမာစွာဖြင့် အာရက္ခလူထုအကျိုးကို ထမ်းပိုးဆောင်ရွက်နိုင်ပါစေကြောင်း ဦးစွာဆုမွန်ကောင်းတောင်းဆိုထားတာ ဖြစ်ပါတယ်။
အာရက္ခပြည်ဟာ တိုက်ပွဲတွေ ပြင်းထန်နေပေမယ့် ဗိုလ်ချုပ်ရဲ့ ဦးဆောင်မှုနဲ့ နိုင်ငံရေး၊ စစ်ရေးမျက်နှာစာတွေမှာ အသာစီးရနေသလို ပြည်သူ့ဝန်ဆောင်မှုနဲ့ အုပ်ချုပ်ရေး လုပ်ငန်းတွေကိုလည်း စနစ်တကျ ဖော်ဆောင်နိုင်နေတာကို တွေ့မြင်ရတယ်လို့ ဆိုပါတယ်။
အဲဒီအပြင် မြန်မာ့နိုင်ငံရေး အခင်းအကျင်းမှာ ရန်သူ စစ်အုပ်စုဟာ အားနည်းချိနဲ့နေပြီ ဖြစ်တာကြောင့် အခွင့်ကောင်းကို ယူပြီး အာရက္ခပြည် အမျိုးသားလွတ်မြောက်ရေးနဲ့ ကိုယ်ပိုင်ပြဋ္ဌာန်းခွင့်ကိုအရယူ သိမ်းပိုက်ရမယ့်အချိန်ဖြစ်တယ်လို့ ဆိုပါတယ်။
