Border News Agency
နေပြည်တော်၊ နိုဝင်ဘာလ ၁၂။
အာဏာသိမ်းစစ်တပ်ရဲ့ ပြည်ထောင်စုရွေးကောက်ပွဲကော်မရှင် (UEC) က လာမယ့် ၂၀၂၇ ခုနှစ်၊ ဧပြီလအတွင်း ပြုလုပ်မယ့် ကြားဖြတ်ရွေးကောက်ပွဲအတွက် လွှတ်တော်ကိုယ်စားလှယ်လောင်း အမည်စာရင်းတွေကို ဒီဇင်ဘာလ ၇ ရက်နေ့မှ စတင် တင်သွင်းနိုင်ကြောင်း နိုဝင်ဘာလ ၁၁ ရက်နေ့မှာ ထုတ်ပြန်ပါတယ်။
လွှတ်တော်အသီးသီးမှာ လစ်လပ်နေတဲ့ မဲဆန္ဒနယ် ငါးဆယ့်ငါးနယ်အတွက် ကြားဖြတ်ရွေးကောက်ပွဲကို လာမယ့် ၂၀၂၇ ခုနှစ်၊ ဧပြီလ ၄ ရက်နေ့မှာ ကျင်းပသွားမယ်လို့ ထုတ်ပြန်ထားပြီး ကိုယ်စားလှယ်လောင်းစာရင်းတွေကို ဒီဇင်ဘာလ ၂၁ ရက်နေ့ နောက်ဆုံးထားတင်သွင်းရမှာဖြစ်ပါတယ်။
တင်သွင်းလွှာတွေကို ပြန်လည်ရုပ်သိမ်းလိုပါက ဒီဇင်ဘာလ ၂၅ရက်နေ့ နောက်ဆုံးထား ရုပ်သိမ်းနိုင်မှာဖြစ်ပြီး ဒီဇင်ဘာလ ၂၆ရက်နေ့ကနေ လာမယ့် ဇန်နဝါရီလ ၉ ရက်နေ့ထိ စိစစ်သွားမှာဖြစ်တယ်လို့ ဆိုပါတယ်။
အဲဒီကြားဖြတ်ရွေးကောက်ပွဲ ကျင်းပမယ့် မဲဆန္ဒနယ် ငါးဆယ့်ငါးနယ်ထဲမှာ ပြည်သူ့လွှတ်တော် မဲဆန္ဒနယ် သုံးဆယ့်လေးနယ်၊ အမျိုးသားလွှတ်တော် မဲဆန္ဒနယ် ငါး နယ်နဲ့ တိုင်းဒေသကြီး သို့မဟုတ် ပြည်နယ်လွှတ်တော် မဲဆန္ဒနယ်တဆယ့်ခြောက်နယ်တို့ပါဝင်ကြောင်း ဖော်ပြထားပါတယ်။
အဲဒီအပြင် ပြည်ပရောက်မဲဆန္ဒရှင်တွေ ကြိုတင်မဲပေးနိုင်ဖို့ ပုံစံတဆယ့်ငါးတွေကို သက်ဆိုင်ရာသံရုံးတွေမှာ နိုဝင်ဘာလ ၁၁ ရက်နေ့က စတင်ထုတ်ယူနိုင်ပြီလို့ဆိုပါတယ်။
