Border News Agency
မြောက်ဦး၊နိုဝင်ဘာ ၁၃။
အာရက္ခတပ်တော်(AA)ထိန်းချုပ်ထားတဲ့ မြောက်ဦးမြို့နယ်၊ ပါးတော်ရွာမှာ အောက်
တိုဘာလ ၁၉ရက်နေ့ကဖြစ်ပွားခဲ့တဲ့ လူသတ်မှုမှကျူးလွန်သူတရားခံကို တရားဥပဒေစိုးမိုးရေးနဲ့ ပြည်သူ့လုံခြုံရေးဌာနက ဖမ်းဆီးအရေးယူထားပါတယ်။
အဲဒီပါးတော်ရွာမှ အသက်သုံးဆယ့်နှစ်နှစ်အရွယ် ကိုအောင်ကျော်သိန်းဟာ ညအချိန်ခြံစောင့်တဲအောက်မှာ လည်ပင်းပြတ်လုနီးပါးဓားခုတ်ဒဏ်ရာနဲ့ သေဆုံးနေခဲ့တာဖြစ်ပါတယ်။
တရားခံကို ဖမ်းဆီးရမိရေးအတွက် ဒီလပ်စခန်းကပတ်ဝန်းကျင်သက်သေတွေနဲ့ သံသယရှိသူတွေကို စစ်ဆေးမှုတွေပြုလုပ်ခဲ့ပါတယ်။
စစ်ဆေးချက်တွေအရ သေဆုံးသူနဲ့ အရက်ဝိုင်းအတူသောက်သုံးခဲ့သူ နေကျော်လင်းဟာ အလုပ်ကိစ္စကြောင့် စိတ်ဝမ်းကွဲပြားကာအခဲမကြေဖြစ်နေရာမှ အဲဒီနေ့ ည ၁၁ နာရီခွဲအချိန် တဲအောက်မှာ အိပ်ပျော်နေတဲ့ ကိုအောင်ကျော်သိန်းကို ဓားနဲ့ ဝင်ရောက်ခုတ်သတ်ခဲ့ကြောင်း စစ်ဆေးပေါ်ပေါက်ခဲ့တာဖြစ်ပါတယ်။
တရားခံနေကျော်လင်းဟာ သူကျူးလွန်ခဲ့တဲ့ ပြစ်မှုကိုထွက်ဆိုဝန်ခံခဲ့ပြီး မြောက်ဦးမြို့နယ်တရားရုံးမှာ ဖြောင့်ချက်ပေးခဲ့ကာ အမှုမှာပါဝင်ပတ်သက်တာမရှိတဲ့ ကျန်သံသယတရားခံခြောက်ဦးကိုမူ ဥပဒေနဲ့အညီ အပြီးအပြတ်လွှတ်ပေးခဲ့ပြီးဖြစ်ပါတယ်။
ဒီလပ်အနေနဲ့ အဲဒီလူသတ်မှုနဲ့ပတ်သက်လို့ ရာဇသတ်ကြီးပုဒ်မ ၃၀၂ နဲ့အမှုတည်ဆောက်ကာ ဥပဒေအကြံပြုချက်နဲ့အညီ တရားစွဲတင်နိုင်ဖို့ ဆက်လက်ဆောင်ရွက်နေတယ်လို့ဆိုပါတယ်။
ဓာတ်ပုံ-အာရက္ခ မှုခင်းနဲ့ ဆက်စပ်သတင်းများ ထုတ်ပြန်ရေးအဖွဲ့
