အာရက္ခတပ်တော်ထိန်းချုပ်နယ်မြေတွေမှာ ငွေသားထုတ်ခတွေ စျေးတက်နေတယ်လို့ အာရက္ခပြည်သူတွေက အတည်ပြုပြောကြပါတယ်။

အာရက္ခအဆုံးအဖြတ်စစ်ပွဲမှာ အာရက္ခတပ်တော်ရဲ့ထိုးစစ်ဆင်မြို့သိမ်းမှုတွေနောက်ပိုင်း စစ်ကောင်စီတပ်ထိန်းချုပ်မှုလက်အောက်ခံဘဏ်တွေအားလုံးနီးပါးပိတ်သွားကြပြီး ငွေသားကို ရာခို င်နှုန်းပေးထုတ်နေကြရတယ်လို့ အာရက္ခပြည်သူတွေက ဆိုကြပါတယ်။

အဲဲဲဒါကြောင့် အာရက္ခတပ်တော်ထိန်းချုပ်နယ်မြေတွေမှာ ငွေထုတ်ခဈေးတက်လာပြီး တသိန်းကိုခြောက်ထောင်ကျော်ထိတက်နေတယ်လို့ ငွေလွှဲငွေထုတ်လုပ်ကိုင်သူတွေနဲ့ ဒေသခံတွေက ဆိုကြပါတယ်။

အဲဒီငွေထုတ်ခနှုန်းထားတွေဟာ ခုအ ပတ်အတွင်း တဟုန်ထိုးတက်သွားခဲ့တာဖြစ်ပြီး အရင်လတွေတုန်းက ငွေ သား တသိန်းကို နှစ်ထောင်၀န်းကျင်ကနေ သုံးထောင်ကြားသာ ပေးထုတ်ခဲ့ကြရပေမယ့် ငါးထောင်ကနေ ခြောက်ထောင်ထိ ခုန်တက်သွားခဲ့လို့ အာရက္ခပြည်သူတွေက ဆိုကြပါတယ်။

“သင်္ကြန်နဲ့ ထုတ်သူများလို့ ငွေသား အများကြီးကိုင်ထားတဲ့သူတွေ ဈေးကစားကြတာ၊တကယ်က ငွေသားရှားလို့ ဈေးတက်တာ မဟုတ်ဘူး။” လို့ ရခိုင်မြောက်ပိုင်းမှ ငွေလွှဲငွေထုတ်လုပ်ငန်းလုပ်သူတဦးက Border News Agency ကို ပြောပါတယ်။

ကျောက်တော်၊ မြောက်ဦး၊ မင်းပြား၊ မြေပုံစတဲ့မြို့နယ်တွေမှာ ငွေထုတ်ခ ငါးထောင်၀န်းကျင်ပေးရပြီး ပေါက်တော၊ ရသေ့တောင်စတဲ့မြို့နယ်တွေနဲ့ နယ်ကျေးရွာတွေမှာတော့ ခြောက်ထောင်၊ ခြောက်ထောင်ကျော်ထိ ပေးနေကြရတယ်လို့ ဒေသခံငွေထုတ်သူတွေကဆိုကြပါတယ်။

ဒါပေမယ့် ငွေသားထုတ်ယူမယ့်အနည်းအများပေါ်မူတည်ပြီး ရာခိုင်နှုန်းအန ည်းအများကွာခြားသွားတယ်လို့လည်းအာရက္ခပြည်သူတွေက ဆိုကြပါတယ်။

အဲဒီလိုစျေးတက်သွားတာဟာ သင်္ကြန်ကျတော့မှာမို့ ငွေထုတ်ယူသူတွေများနေလို့ ငွေထုတ်၊ငွေလွဲလုပ်ကိုင်သူတွေစျေးတင်လိုက်ကြတာလို့လည်း အာရက္ခပြည်သူတွေက စွပ်စွဲပြောဆိုနေကြပါတယ်။

“အိမ်ရှင်(အမျိုးသား) ဆီက ငွေလွှဲရင် သုံးထောင်နဲ့ ထုတ်နေတာ၊ ဒီလချက်ချင်းတက်သွားတယ်။” လို့ ပေါက်တောမြို့နယ်မှအမျိုးသမီးတဦးက Border News Agency ကို ပြောပါတယ်။

သင်္ကြန်ကာလရောက်တောမှာမို့ ပြည်ပရောက်အလုပ်သမားတွေဟာ အာရက္ခပြည်အတွင်း‌ရှိ မိသားစုတွေဆီ ငွေလွှဲတာတွေ ပိုလုပ်နေကြတယ်လို့ အာရက္ခပြည်သူတွေက ဆိုကြပါတယ်။

“တတ်နိုင်တဲ့သူတွေက သင်္ကြန်အတွက် တမင်တကာ သိန်းသောင်းချီလှောင်ထားလိုက်ကြတာ။ပြီးရင် ဈေးတင်ရော င်းတယ်။သင်္ကြန်ပြီးရင်တော့ ပြန်ကျမှာပါ။” လို့ ငွေလွှဲငွေထုတ်လုပ်ငန်းလုပ် ကိုင်သူတဦးက Border News Agency ကို ပြောပါတယ်။

ဘဏ်လုပ်ငန်းအားနီးပါးရပ်တန့်‌နေပြီဖြစ်တဲ့ အာရက္ခပြည်မှ ပြည်သူတွေဟာ ငွေသားထုတ်ယူချင်ရင် ငွေလွှဲငွေထုတ် လုပ်ငန်းလုပ်သူတွေကိုပဲအားကိုးနေကြရတာ တနှစ်ကျော်သွားခဲ့ပြီဖြစ်ပါတယ်။

အာရက္ခအဆုံးအဖြတ်စစ်ပွဲ အာရက္ခတပ်တော်ဟာ ပလက်ဝဒေသအပါအဝင် အာရက္ခဒေသက တဆယ့်လေးမြို့ နယ်ကို သိမ်းပိုက်ထိန်းချုပ်ထားပြီး အဲ ဒီမြို့နယ်တွေမှာ ဘဏ်လုပ်ငန်းတွေ လုံး၀ရပ်တန့်သွားခဲ့တာပါ။

စစ်ကောင်စီထိန်းချုပ်နယ်မြေ စစ်တွေနဲ့ ကျောက်ဖြူမှာသာ ဘဏ်လုပ်ငန်း လ ည်ပတ်နေသေးပါတယ်။

ဒါပေမယ့် စစ်တွေ၊ကျောက်ဖြူကို စစ်ကောင်စီက အ၀င်အထွက် လုံး၀ပိတ်ထားတာမို့ အဲဒီမြို့တွေကလည်း ငွေ သားထုတ်ယူဖို့ အဆင်မပြေကြဘူးလို့အာရက္ခပြည်သူတွေက ဆိုကြပါတယ်။

အဲဒါကြောင့် စစ်ကောင်စီတပ်ထိန်းချုပ်နယ်မြေတွေက ငွေသားတွေကို မှောင်ခိုလမ်းကြောင်းတွေနဲ့ ခက်ခက်ခဲခဲသယ် ယူနေကြရတယ်လို့ အာရက္ခပြည်သူတွေကဆိုကြပါတယ်။

အဲဒီလိုငွေထုတ်ခတွေစျေးကြီးနေတာကြောင့် ပြည်ပအလှူရှင်တွေရဲ့ငွေလွှဲထောက်ပံ့မှုတွေကို အားကိုးပြီး ဒေသတွင်းစစ်ဘေးရှောင်တွေအပေါ် ကူညီပေးနေတဲ့အဖွဲ့အစည်းတွေအနေနဲ့လ ည်း အခက်ကြုံကြရတယ်လို့ စစ်ရှောင်အရေးကူညီပေးနေသူတွေက ဆိုကြပါတယ်။

အာရက္ခအဆုံးအဖြတ်စစ်ပွဲစတင်ကတ ည်းက စစ်ကောင်စီတပ်ဟာအာရက္ခဒေ သရှိ ကုန်းလမ်း၊ရေလမ်းအားလုံးကို ပိ တ်ဆို့တားမြစ်ထားသလို ကုန်စည်စီးဆ င်းမှုအားလုံးကိုလည်း တားဆီးကန့်သတ်ထားတာဖြစ်ပါတယ်။

အာရက္ခတပ်တော်ထိန်းချုပ်နယ်မြေတွေမှာ ငွေသားထုတ်ခတွေ စျေးတက် နေတာတွေကို အာရက္ခပြည်သူ့တော်လှ န်ရေးအစိုးရက စစ်ဆေးကြပ်မတ်ဖို့တာ ဝန်ရှိနေသလို အာရက္ခပြည်သူ့တော် လှန်ရေးအစိုးရအဖွဲ့ဝင်တချို့လည်း ပါဝင်လုပ်ကိုင်နေကြတယ်လို့ အာရက္ခပြည်သူတွေက ဆိုကြပါတယ်။