Border News Agency
ထိုင်း၊ နိုဝင်ဘာ ၁၇။
မြန်မာ-ထိုင်းနယ်စပ်မှာ အွန်လိုင်းလိမ်လည်လောင်းကစားမှုတွေအတွက် လိုအပ်တဲ့ပစ္စည်းတွေကို ထိုင်းနိုင်ငံဘက်က ပူးပေါင်းကာကွယ်တားဆီးပေးဖို့ အာဏာသိမ်းစစ်တပ်ရဲ့ ဒုတိယတပ်မတော်ကာကွယ်ရေးဦးစီးချုပ် ဗိုလ်ချုပ်ကြီးကျော်စွာလင်းနဲ့ ထိုင်းကြည်းတပ်ဦးစီးချုပ်တို့ ဆွေးနွေးခဲ့ကြပါတယ်။
မလေးရှားနိုင်ငံမှာ ကျင်းပမယ့် အာဆီယံကြည်းတပ်ဦးစီးချုပ် အစည်းအဝေးတက်ရောက်ဖို့ ရောက်ရှိနေစဉ် နိုဝင်ဘာလ ၁၆ ရက် ညနေပိုင်းက မလက္ကာမြို့မှာ တွေ့ဆုံခဲ့ကြတာဖြစ်ပါတယ်။
အဲဒီလိုတွေ့ဆုံစဉ်မှာ နယ်စပ်ဒေသအတွင်း လုပ်ဆောင်နေတဲ့ အွန်လိုင်းလိမ်လည်မှုတွေအတွက် လိုအပ်တဲ့ ရိက္ခာ၊ စက်သုံးဆီ၊ လျှပ်စစ်မီးနဲ့ ဆက်သွယ်ရေးပစ္စည်းတွေကို ထိုင်းနိုင်ငံဘက်ကနေ ပူးပေါင်းတားဆီးပေးဖို့ ဆွေးနွေးခဲ့ကြတာပါ။
အဲဲဒီအပြင် နှစ်နိုင်ငံတပ်မတော်ကြား ချစ်ကြည်ရင်းနှီးမှုနဲ့ နယ်စပ်ဒေသလုံခြုံရေး၊ တည်ငြိမ်အေးချမ်းရေးဆိုင်ရာတွေကိုလည်း ထည့်သွင်းဆွေးနွေးခဲ့ကြပါတယ်။
အဲဒီနောက် အာဏာသိမ်းစစ်တပ်က မူးယစ်ဆေးဝါး၊ တရားမဝင်နယ်စပ်ကုန်သွယ်ရေးနဲ့ လူကုန်ကူးမှုတွေကို တားဆီးနှိမ်နင်းနေတဲ့ အခြေအနေတွေကိုလည်း တင်ပြဆွေးနွေးခဲ့ကြပါတယ်။







