Border News Agency
မလေးရှား၊ နိုဝင်ဘာ ၁၇။
မလေးရှားနိုင်ငံ၊ ကလန်တန်ပြည်နယ်၊ ဂျေလီခရိုင်မှာ နိုဝင်ဘာလ ၁၃ ရက်နေ့မှ ၁၄ရက်နေ့ထိ ပြုလုပ်ခဲ့တဲ့ ပူးပေါင်းစစ်ဆင်ရေးအတွင်း တရားမဝင်နိုင်ငံခြားသား ဆယ့်ခုနှစ်ဦးဖမ်းဆီးခံခဲ့ရပါတယ်။
ပြည်နယ်လူဝင်မှုကြီးကြပ်ရေးနဲ့ ရဲတပ်ဖွဲ့တို့ပူးပေါင်းပြီး နေရာတနေရာကို ဝင်ရောက်စီးနင်းခဲ့ရာမှာ လူပေါင်း သုံးဆယ့်လေးဦးကိုစစ်ဆေးခဲ့တာဖြစ်ပြီး စစ်ဆေးခံရသူတွေထဲမှာ မြန်မာနိုင်ငံသားတွေ အများဆုံး ပါဝင်ခဲ့ပါတယ်။
ဖမ်းဆီးခံရသူတွေထဲမှာ အထောက်အထားမဲ့ ဝင်ရောက်နေထိုင်မှုနဲ့ မြန်မာလေးဦး၊ ဘင်္ဂလားဒေ့ရှ်လေးဦးနဲ့ အင်ဒိုနီးရှားသုံးဦးတို့ ပါဝင်သလို ဗီဇာသက်တမ်းကျော်လွန်နေထိုင်သူ ကမ္ဘောဒီးယားတဦး၊ ဘင်္ဂလားဒေ့ရှ်တဦးနဲ့ အင်ဒိုနီးရှားသုံးဦးလည်းပါဝင်ပါတယ်။
အဲဒီအပြင် တရားမဝင်နိုင်ငံခြားသားတွေကို လက်ခံထားရှိတဲ့အတွက် မလေးရှားနိုင်ငံသားတဦးလည်း ဖမ်းဆီးခံခဲ့ရပြီး ဆက်လက်အရေးယူနိုင်ဖို့အတွက် မော်တော်ယာဉ်တစီးကိုလည်း သိမ်းဆည်းခဲ့ပါတယ်။
တရားမဝင်နေထိုင်သူတွေကိုနှိမ်နင်းဖို့ ဒီလိုစစ်ဆင်ရေးတွေကို ဆက်တိုက်လုပ်ဆောင်သွားမယ်လို့ လူဝင်မှုကြီးကြပ်ရေးဌာနက သတိပေးထုတ်ပြန်ထားပါတယ်။













