Border News Agency
ထိုင်း၊ ဇန်နဝါရီ ၁၆။
ထိုင်းနိုင်ငံမှာ နှစ်ရက်ဆက်တိုက်ကရိန်းပြုတ်ကျပြီး လူသေဆုံးမှုတွေဖြစ်ပွားခဲ့တာကြောင့် ဒုတိယဝန်ကြီးချုပ်မစ္စအနုထင် ချာန်ဝီရကူးလ်က အရေးပေါ်တုံ့ပြန်ဆောင်ရွက်ဖို့ သက်ဆိုင်ရာဌာနတွေကို ဇန်နဝါရီလ ၁၆ ရက်၊ ဒီနေ့ ညွှန်ကြားလိုက်ပါတယ်။
ဘန်ကောက်မြို့နားက ရာမ ၂ လမ်းမဆောက်လုပ်ရေးခွင်မှာ ကရိန်းပြုတ်ကျလို့ အလုပ်သမားနှစ်ဦးသေဆုံးခဲ့သလို မြန်မာအလုပ်သမားတွေလည်း အများအပြားဒဏ်ရာရခဲ့ပါတယ်။
ခုနောက်ပိုင်း ကရိန်းပြုတ်ကျမှုတွေကြောင့် စုစုပေါင်းသေဆုံးသူ သုံးဆယ့်လေးဦးအထိရှိလာပြီး ဒဏ်ရာရသူတရာကျော်နဲ့ ပျောက်ဆုံးနေသူတွေပါရှိနေတာပါ။
ဝန်ကြီးချုပ်ကတော့ ပြည်သူတွေရဲ့ အသက်အန္တရာယ်နဲ့ပတ်သက်လာရင် ဘယ်သူမဆိုတာဝန်ယူရမယ်လို့ ပြောဆိုထားပါတယ်။
အဲဒါကြောင့် လုံခြုံရေးစံချိန်စံညွှန်းမပြည့်တဲ့ ဆောက်လုပ်ရေးစီမံကိန်းတွေကို ချက်ချင်းစစ်ဆေးဖို့နဲ့ ပေါ့လျော့တဲ့ကန်ထရိုက်တာတွေကို စာချုပ်ဖျက်သိမ်းတာ၊ နာမည်ပျက်စာရင်း (Blacklist) သွင်းတာတွေ လုပ်ဖို့ ဝန်ကြီးချုပ်ကညွှန်ကြားလိုက်တာပါ။
အဲဒီအပြင် လိုအပ်ရင်ဥပဒေကိုပါ ပြင်ဆင်ရေးဆွဲသွားမယ်လို့ ဆိုပါတယ်။
ထိုင်းအစိုးရဟာ ဆောက်လုပ်ရေးခွင်တွေရဲ့လုံခြုံရေးကို တင်းတင်းကျပ်ကျပ်စစ်ဆေးနေပြီး စည်းကမ်းမလိုက်နာတဲ့ လုပ်ငန်းရှင်တွေကို ဥပဒေအရထိထိရောက်ရောက် အရေးယူသွားမယ်လို့ ဆိုပါတယ်။
