Border News Agency
မူတြော်၊ မတ် ၁၆။
အပြည်ပြည်ဆိုင်ရာမြစ်ချောင်းများနေ့နဲ့ ရေကာတာဆန့်ကျင်ရေးနေ့အထိမ်းအမှတ်အခမ်းအနားကို မတ်လ ၁၄ ရက်နေ့က ကော်သူးလေမူတြော်ခရိုင်၊ Salween Peace Park အတွင်းမှာရှိတဲ့ သံလွင်မြစ်ကမ်းဘေးမှာ ကျင်းပခဲ့ပါတယ်။
အဲဒီအခမ်းအနားကို Karen Rivers Watch (KRW) နဲ့ ကရင်လူမှုအဖွဲ့အစည်းတွေ ပူးပေါင်းစီစဉ်ခဲ့တာဖြစ်ပြီး ဒေသခံလူထုနဲ့ ပတ်ဝန်းကျင်ထိန်းသိမ်းရေးသမား အင်အား ၃၀၀ ခန့် တက်ရောက်ခဲ့ကြပါတယ်။
“Protect Rivers, Protect People” ဆိုတဲ့ ခေါင်းစဉ်နဲ့အတူ သံလွင်မြစ်နဲ့ဧရာဝတီမြစ်အပါအဝင် မြစ်မကြီးတွေပေါ်မှာ ရေကာတာဆောက်တာနဲ့ သတ္တုတူးဖော်တာတွေကို ချက်ချင်းရပ်တန့်ဖို့ တောင်းဆိုခဲ့ကြတာပါ။
အဲဒီမြစ်ချောင်းတွေကို ကာကွယ်တာဟာ ဒေသခံတွေရဲ့အသက်မွေးဝမ်းကျောင်းနဲ့ ယဉ်ကျေးမှုကိုကာကွယ်တာဖြစ်လို့ အခုလိုစုပေါင်းလှုပ်ရှားရတာဖြစ်တယ်လို့ သိရပါတယ်။
