Border News Agency
မင်းတပ်၊ မေ ၁၃။
ချင်းပြည်၊မင်းတပ်မြို့ပေါ်ကို မေလ ၁၁ ရက် ညပိုင်းကစပြီး အာဏာသိမ်းစစ်တပ်လေကြောင်းကနေ အပြင်းအထန်တိုက်ခိုက်ခဲ့တယ်လို့ ချင်းပြည်သူ့အစည်းအရုံး (CPA) က ထုတ်ပြန်ပါတယ်။
အဲဒီမင်းတပ်မြို့ပေါ်ကို မေလ ၁၁ ရက်၊ည ၁၁ နာရီကျော်မှာ အာဏာသိမ်းစစ်တပ်က ၂ ကြိမ် တိုက်ခိုက်ခဲ့တာလို့ဆိုပါတယ်။
အဲဒီအပြင်မေလ ၁၂ ရက်၊မနက်ပိုင်းမှာလည်း မြို့အနီးတဝိုက်ကို တိုက်လေယာဥ်နဲ့၂ ကြိမ်၊ မနက် ၁၁ နာရီမှာမြို့ပေါ်ကို ၂ ကြိမ်နဲ့ ညနေ ၆ နာရီခွဲမှာ မြို့ပေါ်ကိုပဲ ၅ ကြိမ်ထိထပ်ပြီးတိုက်ခိုက်ခဲ့တယ်လို့ဆိုပါတယ်။
အဲဒီလို တိုက်ခိုက်ခဲ့တာတွေကြောင့် စစ်ဘေးရှောင်တွေအပါအဝင် အရပ်သား ၄ ဦး သေဆုံးခဲ့ပြီး ဒဏ်ရာရသူတွေလည်း ရှိနေတယ်လို့ဆိုပါတယ်။
ဒါ့အပြင် ပြည်သူ့အိမ် ၁၅ လုံး၊အစိုးရရုံးဌာန အဆောက်အအုံ ၁၀ ခုနဲ့ မော်တော်ယာဉ် ၄ စီးလည်း ပျက်စီးသွားတယ်လို့ ဆိုပါတယ်။
CPA ဘက်ကတော့ ပြည်သူတွေအနေနဲ့ လူစုလူဝေးနေရာတွေကို ရှောင်ကြဖို့နဲ့ အိမ်တွေမှာ ဗုံးခိုကျင်းတွေ အသင့်ပြင်ထားကြဖို့ တိုက်တွန်းထားပါတယ်။
အဲဒီအပြင်လေကြောင်းသတင်းတွေကိုလည်း အမြဲနားစွင့်ပြီး သတိထားနေထိုင်ကြဖို့ အသိပေးထားပါတယ်။
