Border News Agency
ကျိန္တလီ၊ဇူလိုင် ၈။
အာရက္ခတပ်တော်ထိန်းချုပ်ထားတဲ့ဂွမြို့နယ်၊ကျိန္တလီကို အာဏာသိမ်းရေတပ်ကလက်နက်ကြီးပစ်ခတ်လို့ခြောက်ဦးဒဏ်ရာရသွားပါတယ်။
အဲဒီကျိန္တလီမြို့၊အမှတ် ၃ ရပ်ကွက်မှ အသက်ငါးနှစ်အရွယ်မရတနာထွန်း၊အသက်ဆယ့်ခုနှစ်နှစ်အရွယ် မသင်းသီရိထွန်း၊အသက်လေးဆယ့်ငါးနှစ်အရွယ် ဒေါ်မထား၊အသက်ခုနှစ်ဆယ်လေးနှစ်အရွယ်ဒေါ်သန်းမေ၊အသက်ငါးဆယ်အရွယ်ဒေါ်မိဝိုင်းနဲ့အသက်လေးဆယ်ရှစ်နှစ်အရွယ်ဦးညိုထွန်းဒဏ်ရာရသွားတာပါ။
အဲဒီကျိန္တလီမြို့၊အမှတ်၃ရပ်ကွက်ကို ဇူလိုင်လရှစ်ရက်နေ့၊မနက်ကိုးနာရီကျော်အချိန်ခန့်က စစ်တပ်စစ်သင်္ဘောမှလက်နက်ကြီးကျည်နှစ်လုံးပစ်ခတ်တိုက်ခိုက်ခဲ့တယ်လို့ ဒေသခံတွေကဆိုကြပါတယ်။
အဲဒီလိုပစ်ခတ်တိုက်ခိုက်ခဲ့တာကြောင့် အမှတ်သုံးရပ်ကွက်ရှိ ဒေါ်မထားရဲ့ နေအိမ်မှာတလုံး၊ဦးပိုင်စိုးအောင်ရဲ့နေအိမ်နောက်သစ်ပင်နားကိုတလုံး ကျရော က်ပေါက်ကွဲလို့ အနီးရှိအရပ်သားခြောက်ဦးဒဏ်ရာရသွားခဲ့တာပါ။
အဲဒီအပြင် ဒေါ်မထားရဲ့ နေအိမ်ထိခိုက်ပျက်စီးသွားပြီး ဒဏ်ရာရရှိသွားသူတွေအရေးပေါ်ဆေးကုသမှုခံယူနေရကြပါတယ်။
နောက်ပြီး ဂွမြို့အနီးကိုလည်း ဇူလိုင်လ ၈ရက် မနက် ၇ နာရီ ၄ မိနစ်မှ ၇ နာရီ ၃၅ မိနစ်ခန့်ထိ အာဏာသိမ်းစစ်သ င်္ဘောမှလက်နက်ကြီးကျည်နှစ်ဆယ့်ရှစ်လုံးပစ်ခတ်ခဲ့တယ်လို့ ဆိုကြပါတယ်။
အဲဒီအပြင် ဂွမြို့နယ်၊စည်ပင်ကျော က်ကြီးရွာအနားဝန်းကျင်ကိုလည်း ဇူလိုင် လ ၇ ရက်နေ့က စစ်တပ်ရဲ့ဂျက်ဖိုက်တာတစီးဟာ မနက် ၁၀နာရီ ၁၅ မိနစ်မှာ တကြိမ်၊၁၁နာရီ ၃၀မိနစ်မှာတကြိမ် နှစ်ကြိမ်တိုင်တိုင် လေကြောင်းတိုက်ခို က်မှုပြုလုပ်ခဲ့တယ်လို့ ဆိုကြပါတယ်။
