Border News Agency
နီပေါ၊စက်တင်ဘာ ၁၆။
နီပေါနိုင်ငံ၊ရာဆူဝါခရိုင်ရှိ ချိလိမေရေအားလျှပ်စစ်စီမံကိန်းတိုနယ်အတွင်း ရေကြီးမှုကြောင့်ပိတ်မိနေသူတွေထဲက လူလေးဦးရဲ့ရုပ်အလောင်းကို ၂၄ ရက်မြောက်၊ဒီနေ့မှာ ပြန်လည်ရှာဖွေတွေ့ရှိခဲ့ပါတယ်။
ပြီးခဲ့တဲ့လ ဩဂုတ် ၂၆ ရက်ရက်နေ့က ဘိုတေကိုစီမြစ်အတွင်းမိုးကြီးပြီး ရေလျှံမှုတွေကြောင့် တိုနယ်အတွင်းပိတ်မိသွားခဲ့တဲ့ လုပ်သားတွေကို နီပေါတပ်မတော်နဲ့အရန်ရဲတပ်ဖွဲ့တို့ ပူးပေါင်းကယ်ဆယ်ရေးအဖွဲ့ကရှာဖွေခဲ့ကြတာပါ။
အဲဒီပိတ်မိနေသူတွေရဲ့ ရုပ်အလောင်းတွေကို စက်တင်ဘာလ ၁၆ ရက်၊ဒီနေ့ နေ့လည်ကရှာဖွေတွေ့ရှိခဲ့တာဖြစ်ပါတယ်။
လက်ရှိမှာ ကယ်ဆယ်ရေးပူးပေါင်းအဖွဲ့ဟာ ရုပ်အလောင်းနှစ်လောင်းကို တိုနယ်အတွင်းမှအပြင်သို့ထုတ်ယူနိုင်ခဲ့ပြီး ကျန်ရုပ်အလောင်းနှစ်လောင်းကို ဆက်လက်ထုတ်ယူနေတယ်လို့ အရန်ရဲတပ်ဖွဲ့ရဲ့ ဒုတိယပြောရေးဆိုခွင့်ရှိသူသာပါက ပြောကြားထားပါတယ်။
တိုနယ်အတွင်း လူခြောက်ဦးခန့်ပိတ်မိမြုပ်နှံခံထားရနိုင်တယ်လို့ ယူဆချက်နဲ့ကယ်ဆယ်ရေးအဖွဲ့တွေက ရှာဖွေမှုတွေဆက်တိုက်လုပ်ဆောင်ခဲ့ကြတာဖြစ်ပါတယ်။
အဲဒီအပြင် ကျန်ရှိနေတဲ့ပျောက်ဆုံးသူတွေကိုရှာဖွေဖို့ တိုနယ်အတွင်းဆက်လက်ဆောင်ရွက်နေကြပါတယ်။
