Border News Agency
ကျောက်ဖြူ၊ နိုဝင်ဘာ ၂။
အာရက္ခဒေသ၊ကျောက်ဖြူမြို့နယ်၊စနဲမင်းပြင်ကျေးရွာကိုနိုဝင်ဘာလ ၁ ရက်၊ ညနေ ၅ နာရီ အချိန်ခန့်မှာ အာဏာသိမ်းစစ်တပ်လေကြောင်းတိုက်ခိုက်လို့ အရပ်သားတဆယ့်တဦးဒဏ်ရာ ရသွားခဲ့ပါတယ်။
အဲဒီလေကြောင်းတိုက်ခိုက်မှုအတွင်း အမျိုးသမီး ငါးဦးနဲ့ အမျိုးသား ခြောက်ဦး၊ စုစုပေါင်း အရပ်သားတဆယ့်တဦးဒဏ်ရာတွေရသွားခဲ့ကြတာပါ။
အဲဒီအပြင် နေအိမ် အဆောက်အအုံတွေလည်း ပျက်စီးဆုံးရှုံးခဲ့ရပါတယ်။
အာဏာသိမ်းစစ်တပ်ဟာ အာရက္ခဒေသရှိ ကျောက်တော်၊မြောက်ဦး၊ ကျောက်ဖြူနဲ့ ဝီရဌာနီမြို့နယ် လေးခုကို နိုဝင်ဘာလ ၁ ရက်၊ညနေ အချိန်က လေကြောင်းကနေ ဆက်တိုက်တိုက်ခိုက်ခဲ့ပါတယ်။
အဲဒီလိုတိုက်ခိုက်ခဲ့တာကြောင့် မွေးကင်းစကလေးငယ်တဦး အပါအဝင်အရပ်သားဆယ့်နှစ်ဦးထိသေဆုံးခဲ့ပြီး စုစုပေါင်းသုံးဆယ်နှစ်ဦးဒဏ်ရာရသွားခဲ့ပါတယ်။
