Border News Agency
မြောက်ဦး၊ မေ ၁၈။
အာရက္ခတပ်တော်(AA)ထိန်းချုပ်ထားတဲ့မြို့နယ်တွေမှာ အာရက္ခပြည်သူ့တော်လှန်ရေးအစိုးရက သွေးလွန်တုပ်ကွေးရောဂါ ကြိုတင်ကာကွယ်ရေးလှုပ်ရှားတွေ ဆောင်ရွက်နေကြပါတယ်။
အဲဒီဆောင်ရွက်မှုတွေကို အာရက္ခပြည်သူ့တော်လှန်ရေးအစိုးရရဲ့အာရက္ခပြည်သူ့ကျန်းမာရေးဌာနကဦးဆောင်ပြီး အာရက္ခတပ်တော်ဆေးဌာနမှပူးပေါင်းနေကြတာဖြစ်ပါတယ်။
အာရက္ခအဆုံးအဖြတ်စစ်ပွဲမှာ အာရက္ခတပ်တော်ဟာ ပလက်ဝဒေသအပါအဝင်တဆယ့်ငါးမြို့နယ်ကို အပြီးသတ်သိမ်းပိုက်ထိန်းချုပ်ထားပါတယ်။
အဲဒီနယ်မြေတွေမှာ အာရက္ခပြည်သူ့တော်လှန်ရေးအစိုးရအဖြစ် အုပ်ချုပ်ရေးယန္တရားတွေဖော်ဆောင်ပြီး အာရက္ခပြည်သူလူထုကို ပြည်သူ့ဝန်ဆောင်မှုတွေ ဆောင်ရွက်ပေးနေပါတယ်။
အဲဒီအာရက္ခပြည်သူ့တော်လှန်ရေးအစိုးရမှာ အာရက္ခပြည်သူ့ကျန်းမာရေးဌာနကို ဖွဲ့စည်းထားပြီး အာရက္ခပြည်သူတွေကို ကျန်းမာရေးစောင့်ရှောက်မှုတွေဆောင်ရွက်ပေးနေပါတယ်။
အဲဒီအာရက္ခပြည်သူ့ကျန်းမာရေးဌာနမှာ ပြည်သူ့ကျန်းမာရေးကြီးကြပ်သင် တန်းသားတွေခေါ်ယူခဲ့ပြီး သင်တန်းတွေ သင်ကြားပို့ချနေသလို တခြားကျ န်းမာရေးလုပ်သားသင်တန်းတွေလည်းသင်ကြားပို့ချနေကြပါတယ်။
အဲဒီအာရက္ခပြည်သူ့ကျန်းမာရေးဌာနမှာ အရင်ကျန်းမာရေးဝန်ထမ်းအထူးကုဆရာဝန်ကြီးတွေ၊ ဆေးရုံအုပ်ကြီးတွေအပါအဝင် ကျန်းမာရေးဝန်ထမ်းဟောင်းတွေ ပါဝင်ဆောင်ရွက်နေကြပါတယ်။
