Border News Agency
စစ်တွေ၊ မေ ၂၁။
စောမြရာဇာလင်းဦးဆောင်နေတဲ့ရခိုင်ပြည်လွတ်မြောက်ရေးနဲ့ငြိမ်းချမ်းရေးတပ်မြတ်တော်မှာ မေလ ၁၁ ရက်နေ့ကဂုဏ်ပြုပွဲပြုလုပ်ပြီး ရာထူးတိုးပေးခဲ့တ ယ်လို့ မေလ ၂၁ ရက်၊ ဒီနေ့ထုတ်ပြန်ပါတယ်။
အဲဒီရခိုင်ပြည်လွတ်မြောက်ရေးနဲ့ငြိမ်း ချမ်းရေတပ်မြတ်တော်ကို စောမြရာဇာလင်းဦးဆောင်ပြီး စစ်တွေမြို့မှာဖွဲ့ထားတာဖြစ်ပါတယ်။
အဲဒီတပ်မြတ်တော်ခေါင်းဆောင်ဖြစ်သူစောမြရာဇာလင်းဟာ ရခိုင်ပြည်လွတ် မြောက်ရေးပါတီ(ALP)က ခွဲထွက်လာခဲ့တာဖြစ်ပြီး အစပထမတုန်းကတော့ ရခိုင်ပြည်လွတ်မြောက်ရေးပါတီ(ALP)ကို သူမတို့သာပိုင်ဆိုင်ပြီး သူမတို့တပ်သာရခိုင်ပြည်လွတ်မြောက်ရေးပါတီ(ALP) ဖြစ်တယ်လို့ ထုတ်ပြန်ခဲ့ဖူးပါတယ်။
စောမြရာဇာလင်းခေါင်းဆောင်နေတဲ့ရ ခိုင်ပြည်လွတ်မြောက်ရေးနဲ့ငြိမ်းချမ်းရေးတပ်မြတ်တော်ဟာ အာဏာသိမ်းစ စ်တပ်နဲ့ပူးပေါင်းပြီး စစ်တွေမြို့မှအရပ်သားပြည်သူတွေကို ဖမ်းဆီးတာတွေ၊သတ်ဖြတ်တာတွေ၊ အတင်းအဓမ္မစစ်မှုထမ်းခိုင်းတာတွေ ကျူးလွန်နေကြတယ် စစ်တွေမြို့မှပြည်သူတွေက ဆိုကြပါတယ်။
အဲဒါကြောင့် အာရက္ခပြည်သူတွေကယုံကြည်လက်ခံအားပေးတာတွေမရှိတဲ့အပြင် အာရက္ခဒေသမှာမရှိသင့်တဲ့အဖွဲ့ဖြစ်တယ်လို့လည်းအာရက္ခပြည်သူတွေက ဆိုကြပါတယ်။
ရခိုင်ပြည်လွတ်မြောက်ရေးပါတီ(Arakan Liberation Party; ALP) ကို ၁၉၆၇ ခုနှစ်၊ဧပြီလ ၉ ရက်နေ့က စတင်တည် ထောင်ခဲ့တာဖြစ်ပြီး ၂၀၁၂ ခုနှစ်၊ဧပြီ လ ၅ ရက်နေ့မှာ မြန်မာအစိုးရနဲ့ပစ်ခတ်တိုက်ခိုက်မှုရပ်စဲရေးကို လက်မှတ်ရေး ထိုးခဲ့သလို ၂၀၁၅ ခုနှစ်၊အောက်တို ဘာလ ၁၅ ရက်နေ့မှာ တနိုင်ငံလုံး ပစ် ခတ်တိုက်ခိုက်မှုရပ်စဲရေးသဘောတူစာချုပ်မှာလည်း ပါဝင်လက်မှတ်ရေး ထိုးခဲ့ပါတယ်။
အဲဒီရခိုင်ပြည်လွတ်မြောက်ရေးပါတီ (ALP)ဟာ ခိုင်ရဲခိုင်ခေါင်းဆောင်တဲ့အိ န္ဒိယနယ်စပ်အခြေစိုက်၊ခိုင်စိုးနိုင်အောင်ခေါင်းဆောင်တဲ့ထိုင်းနယ်စပ်အခြေစိုက်၊ စောမြရာဇာလင်းခေါင်းဆောင်တဲ့စစ်တွေအခြေစိုက်ဆိုပြီး သုံးဖွဲ့ကွဲသွားခဲ့ပါတယ်။
