Border News Agency
မြေပုံ၊ စက်တင်ဘာ ၉။
မြေပုံမြို့နယ်မှာ စက်တင်ဘာ ၈ ရက်နေ့က မိုးကြိုးပစ်ခံရပြီး စစ်ရှောင်အ မျိုးသားတဦးသေဆုံးသွားတယ်လို့ ဒေသခံတွေက ဆိုကြပါတယ်။
အဲဒီကျောက်ဖြူမြို့နယ်၊ ဝပြေကျေးရွာမှအသက် ၅၆ နှစ်အရွယ် ဦးမောင်ချမ်းမှာ မျက်နှာ၊ရင်ဘတ်မှာ ဒဏ်ရာတွေနဲ့သေဆုံးသွားတယ်လို့ ရွာသားတွေကဆိုကြပါတယ်။
သူဟာ မြေပုံမြို့နယ်၊ ကြက်ရေကြီးကျေးရွာရှိ စာသင်ကျောင်းမှာ စစ်ဘေးရှောင်နေတာဖြစ်ပါတယ်။
ဦးမောင်ချမ်းဟာ စက်တင်ဘာလ ၈ ရက်နေ့၊ညနေ ၆ နာရီကျော်အချိန်ခန့် ကြက်ရေကြီးကျေးရွာစာသင်ကျောင်း အနောက်ဘက်ရှိပုဇွန်တာမှာ ကဏန်းမြုံးထောင်နေစဥ်မိုးကြိုးပစ်လို့ သေဆုံးသွားခဲ့တာလို့ ရွာသားတွေကဆိုကြပါတယ်။
အဲဒိီအပြင်မြောက်ဦးမြို့နယ်၊ သပြေကန်ကျေးရွာမှာ ပြီးခဲ့တဲ့မေလ ၂၆ ရက်နေ့ကလည်း မိုးကြိုးပစ်ခံရပြီး အသက် ၃၈ နှစ်အရွယ်ဦးမောင်သန်းမြင့်သေဆုံးသွားခဲ့ပါတယ်။
ကျောက်တော်မြို့နယ်၊ ဇင်းခါရှည်ကျေးရွာမှာပြီးခဲ့တဲ့မေလ ၁၃ ရက်နေ့ကလည်းမိုးကြိုးပစ်ခံရလို့ ကလေးငယ်တဦးအပါအဝင်သုံးဦးသေဆုံးသွားခဲ့ပြီးသုံးဦးဒဏ်ရာရသွားခဲ့ပါတယ်။
အာရက္ခဒေသမှာ ခုလိုနွေအကုန် မိုးအကူး မိုးဦးကာလတွေမှာ နေ့စဥ်အချိန်ကျမိုးတွေရွာသွန်းတက်တာကြောင့် အပူနဲ့အအေးထိပြီးတော့ မိုးကြိုးပစ်ခတ်တာမို့နှစ်စဥ်ဒေသခံတွေနဲ့ ကျွဲ၊ နွားတိရစ္ဆာန်တွေပါ သေဆုံးနေကြရတယ်လို့ ဒေသခံတွေက ဆိုကြပါတယ်။
