Border News Agency
ကျောက်တော်၊ စက်တင်ဘာ ၁၄။
အာရက္ခတပ်တော်(AA)ထိန်းချုပ်ထားတဲ့ကျောက်တော်မြို့ အရှေ့ဘက်ပိုင်း မိုင်၂၀ ဝန်းကျင်၊ မြောက်ဦးမြို့မြောက်ပိုင်း ၂၆ မိုင်ခန့်အကွာက တောင်တန်းအောက်အနက် ၆ မိုင်မှမဂ္ဂနီကျု ၄.၉ အဆင့်မြေငလျင်ငယ်ဟာ စက်တင်ဘာ လ ၁၄ ရက်၊ မြန်မာစံတော်ချိန် ၉ နာရီ ၂၆ မိနစ်အချိန်လှုပ်ခတ်သွားတယ်လို့ထုတ်ပြန်ပါတယ်။
အဲဒီမြေငလျင်လှုပ်ခတ်တာကို စစ်တွေမြို့နေပြည်သူတွေလည်း ခံစားသိလိုက်ကြပြီး လှုပ်ခတ်မှုအနည်းငယ်သိသာတယ်လို့ ပြည်သူတွေက ဆိုကြပါတယ်။
အဲဒီနေ့လည်က ဘင်္ဂလားဒေ့ရ်ှနိုင်ငံမှာလည်း ၅.၉ အဆင့်ရှိ ငလျင်လှုပ်ခတ်ခဲ့သလို အိန္ဒိယနိုင်ငံ၊ အာသံပြည်နယ်မှာလည်း လှုပ်ခတ်သွားခဲ့ပါတယ်။
ကျောက်တော်မြို့အရှေ့ဘက်ကို ဗဟိုပြုပြီးလှုပ်ခတ်သွားခဲ့တဲ့ငလျင်ကြောင့်ထိခိုက်ပျက်စီးမှုတွေကိုတော့ မသိရသေးပါဘူး။
