Border News Agency
ဘုတလင်၊ စက်တင်ဘာ ၁၄။
ဘုတလင်မြို့နယ်၊ ကံသာရွာအနီးတိုက်ပွဲမှာ စစ်ကော်မရှင်တပ်ဖွဲ့ဝင် ၄၀ ဦးသေဆုံးခဲ့တယ်လို့ ကျောင်းသားတပ်ဦး/ကျောင်းသားလက်ရုန်းတပ်တော်မှ စက်တင်ဘာလ ၁၄ ရက်၊ ဒီနေ့ရုပ်သံထုတ်ပြန်ပါတယ်။
အဲဒီကံသာရွာဖက်ကို ပြီးခဲ့တဲ့သြဂုတ်လ ၃၁ ရက်နေ့က စစ်ကြောင်းထိုးလာတာကို မဟာမိတ်ပူပေါင်းစစ်ကြောင်းမှ ဒရုန်းဗုံးနဲ့နှစ်ကြိမ်ချကာ ထိတွေ့တိုက်ပွဲဖြစ်ပွားခဲ့တယ်လို့ဆိုပါတယ်။
အဲဒီနေ့ညနေဖက်မှာ စစ်ကော်မရှင်တပ်စစ်ကြောင်းကို ကုန်းသာရွာအနီးမှာ နှစ်ကြိမ်မိုင်းဆွဲတိုက်ခိုက်ခဲ့သလို ထိတွေ့တိုက်ပွဲဖြစ်ပွားခဲ့ရာ စစ်ကော်မရှင်တပ် ဖွဲ့ဝင် ၄၀ ဦးသေဆုံးခဲ့တယ်လို့ ဆိုပါတယ်။
အဲဒိီအပြင်မုံရွာမြို့နယ်၊အနောက် မြောက်တိုင်းစစ်ဌာနချုပ်မှဘုတလင်မြို့နယ်အတွင်း သြဂုတ်လနဲ့စက်တင် ဘာလမှာနယ်မြေရှင်းလင်းဖို့အင်အား ၃၀၀ခန့်နဲ့စစ်ကြောင်းထိုးလာတဲ့စစ်ကော်မရှင်စစ်ကြောင်းနဲ့မဟာမိတ်ပူး ပေါင်းအဖွဲ့တွေနဲ့ထိတွေ့တိုက်ပွဲများ ဖြစ်ပွားခဲ့တာလို့ဆိုပါတယ်။
အဲဒီစစ်ကြောင်းဟာ အနောက်ဇီးတော ရွာ၊ရွှေတောင်ရွာ၊ကံသာရွာနဲ့ထူးကြီးရွာ ပရဟိတဆေးရုံတွေကိုမီးရှို့ဖျက်ဆီးခဲ့ပြီး စက်တင်ဘာလ ၈ရက်နေ့မှာ ဘုတလင်မြို့မှနမခသို့ ပြန်သွားခဲ့တယ်လို့ဆိုပါတယ်။
အဲဒိတိုက်ပွဲတွေမှာ ကျောင်းသားလက် ရုံးတပ်တော်(SAF)နဲ့အတူ ဘုတလင်မိုဘိုင်းအဖွဲ့(Budalin Mobile Team)၊ Anonymous Hero၊ရတနာပုံတော်လှန် ရေးအဖွဲ့ (YRF)ဗမာ့တပ်တော်အမှတ် ၂ စစ်ဦးစီးရုံးကွပ်ကဲမှုအောက်အမှတ် ၅၀၅ တပ်ရင်း၊ရွာဇော်ကြီးတော်လှန်အ သံသတင်းနဲ့တိုက်ခိုက်ရေးအဖွဲ့ ၊မုံရွာခရိုင်တပ်ရင်း ၁၈၊ဘုတလင်မြိူ့နယ် ပကဖနဲ့ မုံရွာမြို့နယ်ပလဖတို့ ပူးပေါင်းတိုက်ခိုက်ခဲ့ကြတာလို့ဆိုပါတယ်။
