Border News Agency
စစ်တကောင်း၊စက်တင်ဘာ ၁၇။

ဘင်္ဂလားဒေ့ရှ်နိုင်ငံမှာ ဘင်္ဂလားဒေ့ရှ်လေတပ်ဟာ စစ်ရေးလေ့ကျင့်မှုတွေကိုပူးပေါင်းဆောင်ရွက်နေပြီးပစ်ခတ်လေ့ကျင့်မှုတွေထိပါဝင်တယ်လို့ စက်တင် ဘာလ ၁၇ ရက်၊ဒီနေညနေက ဘင်္ဂလားဒေ့ရှ်လေတပ်မှထုတ်ပြန်ပါတယ်။

အဲဒီလေ့ကျင့်မှုတွေကို ဘယ်နိုင်ငံတွေနဲ့ဘယ်နေရာတွေမှာလေ့ကျင့်နေတယ်လို့တော့ဖော်ပြမထားပါဘူး။

အဲဒီမှာတိုက်ခိုက်ရေးလေ့ကျင့်တာ (Combat Training)ကို စစ်ဆင်ရေးအတွက် အခြေခံမှအဆင့်မြင့်ထိ စွမ်းရည်တွေဖွံ့ဖြိုးတိုးတက်စေဖို့လိုဆိုပါတယ်။

အဲဒီအပြင် ဒုံးပစ်လေ့ကျင့်တာ (Artillery Drill)ဟာ ခြေလျင်တပ်တွေကို လေကြောင်းရန်ကာကွယ်ရေး (Air Defence)နဲ့ ဒုံးတပ်ဖွဲ့တွေရဲ့ပူးပေါင်းဆောင်ရွက်ပစ်ခတ်လေ့ကျင့်တာလို့ဆိုပါတယ်။

နောက်ပြီး ဒဏ်ရာရစစ်မှုထမ်းသယ် ဆောင်တာ(Patient Transfer)ဟာ စစ် မြေပြင်မှာဒဏ်ရာရသူတွေကို လုံခြုံစွာ ဖယ်ရှားသယ်ဆောင်နည်း၊ရှေ့ဦးဆေး ကုသမှုပေးတာ၊လေကြောင်းကအရေးပေါ်ခေါ်ဆောင်တာတွေပါဝင်တယ်လို့ဆိုပါတယ်။

အဲဒီလေ့ကျင့်မှုတွေမှာရှာဖွေကယ်ဆ ယ်ရေး(Search and Rescue – SAR): ဟာ ပျောက်ဆုံးနေသူတွေ၊သဘာဝဘေးအန္တရာယ်ကြောင့်ပိတ်မိနေသူတွေကို ရှာဖွေကယ်ဆယ်တာတွေပါဝင်တယ်လို့ ဆိုပါတယ်။

အဲဒီလေ့ကျင့်မှုမှာလေကြောင်း၊ကြည်း တပ်ပူးပေါင်းဆောင်ရွက်မှုအပြင် တော င်တန်းဒေသတွေမှာခက်ခက်ခဲခဲဆောင် ရွက်တာတွေလည်းပါဝင်တယ်လို့ ဆိုပါတယ်။

အဲဒီအပြင် စစ်မြေပြင်ခြေရာခံတာ (Combat Tracking)၊ရှင်သန်ရပ်တည်ရေးလေ့ကျင့်ခန်း(Survival Exercise) တွေကိုလည်း လုပ်ခဲ့ပြတယ်လို့ ဆိုပါတယ်။

အဲဒီလေ့ကျင့်ခန်းတွေဟာ စစ်သည်တဦးချင်းစီရဲ့ရုပ်ပိုင်းဆိုင်ရာကြံ့ခိုင်မှု၊ စိတ်ဓာတ်ခွန်အားနဲ့စီမံခန့်ခွဲမှုစွမ်းရည်တွေ မြင့်မားလာစေရန်ရည်ရွယ်တယ်လို့ ဆိုပါတယ်။

အဲဒါကြောင့် ခက်ခဲစွာလေ့ကျင့်ရပြီးစံချိန်မီအောင်အားထုတ်ခဲ့ရတယ်လို့ဆိုပါတယ်။

အဲဒီလေ့ကျင့်မှုအားလုံးဟာ စစ်မှုထမ်းအားလုံးရဲ့ကျွမ်းကျင်မှု၊ယုံကြည်မှုကို မြှင့်တင်ပေးပြီးခေတ်မီစစ်တပ်ရဲ့စွမ်းဆောင်ရည်ကိုသေချာစေတယ်လို့ ဆိုပါတယ်။