Border News Agency
ပလက်ဝ၊ စက်တင်ဘာ ၁၈။
အာရက္ခတပ်တော်ထိန်းချုပ်ထားတဲ့ ပလက်ဝဒေသမှာ ကျန်းမာရေးစောင့်ရှောက်မှုတွေ လိုအပ်နေတယ်လို့ ပလက်ဝဒေသခံတွေက ဆိုကြပါတယ်။
ပလက်ဝဒေသမှာ စက်တင်ဘာလပထ မအပတ်ကစပြီး သွေးလွန်တုပ်ကွေး၊ ဝမ်းပျက်ဝမ်းလျော၊ငှက်ဖျားနဲ့တခြားရောဂါတွေကြောင့် ကလေးငယ်တွေအပါအဝင် သေဆုံးသူတွေရှိနေတာမို့ ကျန်းမာရေးစောင့်ရှောက်မှုအကူအညီတွေလိုအပ်နေတယ်လို့ ဆိုကြပါတယ်။
အဲဒိီအပြင် ပလက်ဝဒေသမှာကျန်းမာ ရေးဝန်ထမ်းတွေမလုံလောက်တာ၊ စစ်ကော်မရှင်ကအာဏာသိမ်းပြီးတဲ့နောက်မှာ ဝန်ထမ်းတွေCDM လုပ်သွားတာ၊ယ န္တရားတွေရပ်တန့်သွားတယ်လို့ ဆိုကြပါတယ်။
အဲဒါကြောင့် ကျန်းမာရေးစောင့်ရှောက်မှုအရေးပေါ်လိုအပ်နေတယ်လို့ ဒေသခံတွေက ဆိုကြပါတယ်။
“ဆေးဝါးလုံလောက်မှုမရှိတဲ့စိန်ခေါ်မှုနဲ့ကြုံနေရတာတော့ရှိတယ်။ ကျန်းမာရေးစောင့်ရှောက်မှုကအဓိကလိုအပ်တာပေါ့။ဆေးဝါးကူညီထောက်ပံ့မယ့်အဖွဲ့တွေလည်းလိုအပ်တယ်။လမ်းပန်းဆ က်သွယ်ရေးခက်ခဲတာနဲ့ဒေသအခြေ အနေအရ ဆရာဝန်တွေ၊ကျန်းမာရေးကျွမ်းကျင်ဝန်ထမ်းတွေလည်းလိုအပ်နေတယ်။” လို့ Paletwa IDPs and Humanitarian Supporting)အဖွဲ့မှဆလိုင်းဘွေရှိုင်းက Border News Agency ကို ပြောပါတယ်။
အာရက္ခအဆုံးအဖြတ်စစ်ပွဲမဖြစ်ခင်က ပလက်ဝဒေသကို ရခိုင်မှ ဆေးဝါးတွေတင်သွင်းခဲ့ပေမယ့် တိုက်ပွဲတွေဖြစ်လာပြီးနောက် စစ်ကော်မရှင်ကလမ်းပန်းဆက်သွယ်တွေပိတ်ဆို့လိုက်လို့ဆေးဝါးတွေပြတ်လပ်သွားတယ်လို့ ဆိုကြပါတယ်။
ပလက်ဝဒေသကကျေးရွာတချို့မှာ ဆေးခန်းတွေရှိပေမယ့် ဆေးဝါးမရှိတာ၊ ကျန်းမာရေးဝန်ထမ်းတွေမရှိတာတွေကြောင့် ပိတ်ပင်ထားရပြီး အရေးပေါ်ကျန်းမာရေးအခြေအနေဖြစ်လာရင် ငွေကြေးတတ်နိုင်သူတချို့သာတ ခြားနေရာတွေကို သွားရောက်ဆေးကုသနေကြရတယ်လို့လည်း ဆိုကြပါတယ်။
အဲဒီလိုသွားရောက်ဆေးကုသရတဲ့အခါ ဆေးဝါးကုသစရိတ်ထက်လမ်းခရီးစာ ရိတ်အကုန်ကျများပြားတာ၊လမ်းပန်း ဆက်သွယ်ရေးခက်ခဲတာတွေကြောင့် အရေးပေါ်လူနာတွေဟာ လမ်းမှာအသ က်ဆုံးရှုံးသွားကြသူတွေရှိနေတယ်လို့ ဆိုကြပါတယ်။
“လမ်းခရီးကအဆင်မပြေတော့ ကား၊ ဆိုင်ကယ်တွေနဲ့သွားလို့မရဘူး။အဲလိုအခြေအနေမျိုးမှာဆို ခြေလျှင်ထမ်းပြီးသွားကြရတယ်။တော်ရုံဖျားနာတာလောက်နဲ့လမ်းခရီးခက်ခဲလို့ ဆေးခန်းမသွားကြတော့ဘူး။ငွေကြေးအခက်အ ခဲကလည်းရှိနေတယ်။လုံးဝမတတ်နိုင်တဲ့ အသက်အန္တရာယ်စိုးရိမ်ရတဲ့အခြေ အနေမှာပဲသွားကြရတာဆိုတော့ ဆေး ရုံ၊ဆေးခန်းမရောက်ခင်မှာအသက်ဆုံးသွားကြတာတွေလည်းရှိတယ်။” လို့ ပလက်ဝဒေသခံတဦးက Border News Agency ကို ပြောပါတယ်။
ပလက်ဝမြို့နယ်ကို အာရက္ခတပ်တော်က ၂၀၂၄ခုနှစ်၊ ဇန်နဝါရီလ ၁၄ရက်နေ့မှာ အပြီးသတ်တိုက်ခိုက်သိမ်းပိုက်ထိန်းချုပ်ထားပါတယ်။
အဲဒီနေရာမှာ အာရက္ခတပ်တော်၊ ပလက်ဝကောင်စီနဲ့ ချင်းကျန်းမာရေးအဖွဲ့က ဒေသခံတွေရဲ့ကျန်းမာရေးနဲ့ပတ်သတ်လို့ တလတကြိမ်သာကူညီစောင့်ရှောက်မှုတွေ လုပ်ဆောင်ပေးတာတွေရှိနေတယ်လို့လည်း ဆိုကြပါတယ်။
ဒါပေမယ့် ဆေးဝါးမလုံလောက်တာနဲ့ ကျွမ်းကျင်ကျန်းမာရေးဝန်ထမ်းတွေမပါဝင်တဲ့တာကြောင့် ရိုးရိုးဖျားနာတာတွေကိုသာကုသပေးနိုင်တယ်လို့ ဒေသခံတွေက ဆိုကြပါတယ်။
“အေအေနဲ့ပလက်ဝကောင်စီကတော့ ကျန်းမာရေးစောင့်ရှောက်မှုတွေလုပ်ပေးပါတယ်။ ဒါပေမယ့် ရိုးရိုးဖျားနာတာလောက်ကိုပဲကုသနိုင်တယ်။ ကျန်တဲ့ရောဂါကြီးတွေဖြစ်ရင်သူတို့ကုသမပေးနိုင်ကြဘူး။ သူတို့မှာ ဆေးဝါးလည်းမရှိဘူး။ အဲဒီရောဂါကြီးကိုကုသဖို့ဆရာဝန်တွေလည်းမရှမဘူး။ တပ်တွင်းကသင်တန်းပေးထားတဲ့ကျန်းမာရေးဝန် ထမ်းတွေပါ။ သူတို့က ဖျားနာတာလောာက်ကိုဘဲကုသနိုင်တယ်။” လို့ ပလက်ဝဒေသခံတဦးက Border News Agency ကို ပြောပါတယ်။
ပလက်ဝဒေသမှာ လူနာတွေရဲ့ အသက်အန္တရာယ်ကိုကာကွယ်ဖို့ ဆေးဝါးထောက်ပံ့မှု၊ကျွမ်းကျင်ကျန်းမာရေးဝန်ထမ်းတွေနဲ့အရေးပေါ်အခြေအနေကိုတုံ့ပြန်နိုင်တဲ့စောင့်ရှောက်မှုတွေအပြင် စစ်ဘေးရှောင်ဒေသခံတွေအတွက် စားဝ တ်နေရေးလည်း အခက်အခဲရှိနေတာကြောင့် နိုင်ငံတကာလူသားချင်းစာနာထောက်ထားမှုအကူအညီတွေလိုအပ်နေတယ်လို့ ဆိုကြပါတယ်။
ပလက်ဝမြို့နယ်မှာ သွေးလွန်တုပ်ကွေးရောဂါကြောင့် စက်တင်ဘာလပထမအ ပတ်ကလည်း လသားအရွယ်ကလေးင ယ်တွေအပါအဝင် လေးဦးသေဆုံးသွားခဲ့ပါတယ်။
အဲဒီပလက်ဝမြို့နယ်မှာ ပြီးခဲ့တဲ့ခုနှစ်ကလည်း သွေးလွန်တုပ်ကွေးရောဂါ၊ငှက် ဖျားရောဂါနဲ့ဝမ်းလျောဝမ်းပျက်ရောဂါတွေကြောင့် သေဆုံးသွားသူတွေလည်းရှိခဲ့တယ်လို့ ဒေသခံတွေက ဆိုကြပါတ ယ်။
အဲဒီအပြင် ပြီးခဲ့တဲ့ဇွန်လကလည်း ပလက်ဝမြို့နယ်မှာ ဝမ်းပျက်ဝမ်းလျောရောဂါဖြစ်ပွားလို့ တနှစ်အောက်အရွယ်က လေးငယ်နှစ်ဦးသေဆုံးသွားခဲ့တယ်လို့ Chin Telehealth က ထုတ်ပြန်ထားပါတယ်။
