Border News Agency
ကျောက်ဖြူ၊ စက်တက်ဘာ ၁၉။
ကျောက်ဖြူတိုက်ပွဲမှာစစ်ကော်မရှင်တပ်ရဲ့ ရန်ကုန်တိုင်းဒေသကြီး၊ အင်းတိုင်အခြေစိုက်အမှတ် ၁၁ ခြေမြန်တပ်မဌာနချုပ်တပ်တွေက တပ်ဖြန့်ခုခံနေကြပါတယ်။
အဲဒီရှေ့တန်းအမှတ် ၁၁ ခြေမြန်တပ်မဌာနချုပ်ရဲ့ အမှတ် ၁၁၂ နည်းဗျူဟာအဖွဲ့အပါအဝင်တပ်ရင်းခြောက်ရင်းထိတပ်ဖြန့်ခုခံနေကြတာဖြစ်ပါတယ်။
အဲဒီရန်ကုန်တိုင်းဒေသကြီး၊ အင်းတိုင်အခြေစိုက်အမှတ် ၂၁၁ ခြေမြန်တပ်ရင်း အပါအဝင်ရဲမွန်မြို့အခြေစိုက် အမှတ် ၂၁၄ခြေမြန်တပ်ရင်း၊အမှတ် ၂၁၅ ခြေ မြန်တပ်ရင်း၊အမှတ် ၂၁၆ခြေမြန်တပ်ရင်း၊အမှတ်၂၁၇ခြေမြန်တပ်ရင်း၊အမှ တ် ၂၁၈ ခြေမြန်တပ်ရင်းကို တပ်ဖြန့်ခုခံနေကြတာပါ။
အဲဒီခြေမြန်တပ်ရင်းတွေကို ယာယီတပ်ရင်းမှူးတွေကဦးဆောင်ခုခံနေကြတာဖြစ်ပြီးစစ်ဆင်ရေးတခုလုံးကိုတော့ ရှေ့တန်းအမှတ် ၁၁ ခြေမြန်တပ်မဌာန ချုပ်ရဲ့အမှတ် ၁၁၂ နည်းဗျူဟာမှူးကဦးဆောင်နေတာဖြစ်ပါတယ်။
အဲဒီကျောက်ဖြူမြို့နယ်တခုလုံးမှာစစ်ကော်မရှင်တပ်ကတပ်ဖြန့်ခုခံနေမှု အသေးစိတ်အချက်အလက်တွေ၊ စစ်သည်အင်အား၊ လက်နက်အင်အား၊ လက်နက်အမျိုးအစား၊ အမိန့်ပေးကွပ်ကွဲမှုအပါအဝင်စစ်ဆင်ရေးတခုလုံးရဲ့လျှို့ဝှက်ကြေးနန်းတွေ၊အချက်အလက်တွေအားလုံးကို Border News Agency က လ က်ခံရရှိထားပါတယ်။
အဲဒီအထဲမှာ အာရက္ခတပ်တော်(AA)နဲ့ စစ်ကော်မရှင်တပ်ကြား တရက်ချင်းတိုက်ပွဲအသေးစိတ်အလက်အချက်တွေလည်းပါဝင်ပြီး စစ်ကော်မရှင်တပ်ဖွဲ့ဝင်တွေ သေဆုံး၊ဒဏ်ရာရ၊လက်နက်ဆုံးရှူံးမှုတွေလည်းပါဝင်ပါတယ်။
အဲဒီအပြင် အာရက္ခတပ်တော်က ဒရုန်းဗုံးကြဲတိုက်ခိုက်မှုတွေ၊စစ်ကော်မရှင်တပ်က လက်နက်ကြီးပစ်ကူအချက်အလက်တွေလည်းပါဝင်ပါတယ်။
ကျောက်ဖြူတိုက်ပွဲမှာ စစ်ကော်မရှင်တပ်ဖွဲ့ဝင်တွေသေဆုံး၊ ဒဏ်ရာရသူတွေများပြားသလို ထွက်ပြေးကြသူတွေလည်းရှိနေတာကို လျှို့ဝှက်ကြေးနန်းပါဖော်ပြချက်တွေကသက်သေပြနေပါတယ်။
