Border News Agency
မောင်တော၊ စက်တင်ဘာ ၂၅။
အာရက္ခတပ်တော်ထိန်းချုပ်ထားတဲ့ မောင်တောနဲ့ဘူးသီးတောင်မြို့နယ်က မွတ်ဆလင်တွေကို လူသားချင်းစာနာထောက်ထားရေးနဲ့ဖွံ့ဖြိုးရေးဆိုင်ရာပူးပေါင်းဆောင်ရွက်ရေးရုံး(HDCO) ကလူသားချင်းစာနာမှုဆိုင်ရာ အကူအညီတွေ ထောက်ပံ့ပေးခဲ့တယ်လို့ စက်တင်ဘာလ ၂၅ ရက်၊ ဒီနေ့ထုတ်ပြန်ပါတယ်။
အဲဒီနှစ်မြို့နယ်ရှိရပ်ကွက်၊ ကျေးရွာဆယ်ခုက အကူအညီလိုအပ်နေတဲ့ မွတ်ဆလင်အိမ်ထောင်စုခုနှစ်ရာရှစ်ဆယ်ကိုးစု၊ လူဦးရေ ငါးထောင်လေးဦးအတွက်စားနပ်ရိတေက္ခာ၊ အမိုးအကာနဲ့တ
ခြားလိုအပ်ချက်တွေကို အလှူရှင်တွေနဲ့ မိတ်ဖက်ဒေသခံအဖွဲ့အစည်းတွေပူးပေါင်းပြီး ဇူလိုင်လမှ သြဂုတ်လထိကူညီထောက်ပံ့ခဲ့ကြတာလို့ ဆိုပါတယ်။
ထောက်ပံ့ပစ္စည်းတွေဖြစ်တဲ့ ဆန်လေးရာနှစ်ဆယ့်ကိုးအိတ်၊ တာပေါ်လင်နှစ်ရာလေးဆယ်ရှစ်ချပ်၊ ငွေသား ၆,၈၈၀, ၀၀၀ကျပ် ကိုယ်ဝန်ဆောင်အားဆေးနှစ်ရာကိုးကဒ်နဲ့မျိုးစပါးနှစ်ဆယ်အိတ်ကိုထောက်ပံ့ပေးခဲ့တယ်လို့လည်း ဆိုပါတယ်။
အဲဒီအပြင်အကူအညီနည်းပါးသေးတဲ့ မြို့နယ်တွေ၊ အကူအညီမရရှိသေးတဲ့စစ်ဘေးရှောင်ပြည်သူတွေနဲ့ဒေသခံပြည်သူတွေထံ အရေးပေါ်အကူအညီတွေပေးနိုင်ဖို့ ဆက်လက်ကြိုးပမ်းဆောင်ရွက်သွားမယ်လို့လည်း ဆိုပါတယ်။
