Border News Agency
မောင်တော၊ စက်တင်ဘာ ၂၉။
မောင်တောဒေသမှာ မြေယာအမှုကိစ္စသက်သေတွေကို မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးမှုယန္တရား(IIMM)က ပြုစုထားတယ်လို့ စက်တင်ဘာလ ၂၉ ရက်၊ ဒီနေ့ထုတ်ပြန်ပါတယ်။
အဲဒီမောင်တော၊ ဘူးသီးတောင်၊ ရသေ့တောင်မြို့နယ်တွေမှာ ၂၀၁၇ ခုနှစ်ကမြန်မာစစ်တပ်နယ်မြေရှင်းလင်းမှုစစ် ဆင်ရေးပြုလုပ်ခဲ့ပါတယ်။
အဲဒီစစ်ဆင်ရေးကြောင့်ရိုဟင်ဂျာတွေရဲ့နေအိမ်တွေ၊လယ်ယာတွေ၊ ဗလီတွေ၊ တခြားပိုင်ဆိုင်မှုတွေ ဖျက်ဆီးခံရတာ၊ သိမ်းယူခံရတာတွေကို ဖော်ပြထားတယ်လို့ IIMM က ဆိုပါတယ်။
အဲဒီအပြင် ရိုဟင်ဂျာတွေကာလကြာရှ ည်စွာတည်ရှိခဲ့တဲ့အထောက်အထားအားလုံးကို ဖျက်ဆီးရန်ရည်ရွယ်ပြီး န ယ်ခြားစောင့်ရဲတပ်ဖွဲ့(BGP)အခြေစိုက်စခန်းတွေ ဆောက်လုပ်တာအပါအဝင် သိမ်းယူထားတဲ့မြေယာတွေကို အသွင်းပြောင်းပြီး ပြန်လည်အသုံးပြုလိုက်ကြတယ်လို့ ဆိုပါတယ်။
အဲဒီအထဲမှာ မြန်မာလုံခြုံရေးတပ်ဖွဲ့တွေ၊စီးပွားရေးလုပ်ငန်းတွေနဲ့တခြားပါဝင်သူတွေကိုလည်း ဖော်ထုတ်ထားတယ်လို့ ဆိုပါတယ်။
အဲဒါကြောင့် “၂၀၁၇ ခုနှစ် ရှင်းလင်းစစ်ဆင်ရေးတွေအတွင်း ရိုဟင်ဂျာတွေရဲ့မြေယာနဲ့အိုးအိမ်တွေ၊ဖျက်ဆီးခံရခြင်းနဲ့သိမ်းယူခံရခြင်း– အများပြည်သူဖတ်ရှုရန်အစီရင်ခံစာအကျဉ်းချုပ်” လို့ခေါင်းစဥ်ပေးထားပါတယ်။
အဲဒီအစီရင်ခံစာကို စက်တင်ဘာလ ၃၀ ရက်နေ့ နယူးယောက်မြို့ရှိ ကုလသမဂ္ဂဌာနချုပ်မှာကျင်းပမယ့် မြန်မာနိုင်ငံရှိ ရိုဟင်ဂျာမူဆလင်တွေနဲ့တခြားလူန ည်းစုတွေအခြေအနေဆိုင်ရာအဆင့်မြင့်ညီလာခံမတိုင်မီ ထုတ်ပြန်လိုက်တာဖြစ်တယ်လို့ ဆိုပါတယ်။
အဲဒီညီလာခံဟာ မြန်မာနိုင်ငံ၊ ရခိုင်ပြည်နယ်မှ အင်အားသုံးပြီးဖယ်ရှားခံရတဲ့ရိုဟင်ဂျာတသန်းကျော်ရဲ့အခြေအနေကိုနိုင်ငံတကာရဲ့အာရုံစိုက်မှုရရှိရန်နဲ့အ ဖြေရှာရန်ရည်ရွယ်တယ်လို့ ဆိုပါတယ်။
“ရိုဟင်ဂျာတွေအတွက် လုံခြုံပြီးသူတို့ဆန္ဒအလျောက်ဂုဏ်သိက္ခာရှိရှိရေရှည်ငြိမ်းချမ်းစွာနေရပ်ပြန်နိုင်တဲ့အခြေအနေဖြစ်လာတဲ့အခါ၊ သူတို့တွေကို မြန်မာနိုင်ငံတွင်းပြန်လာခွင့်ပေးရမယ်ဆိုတဲ့အချက်က နိုင်ငံတကာအသိုင်းအဝိုင်းမှာကျယ်ကျယ်ပြန့်ပြန့် သဘောတူထားပါတယ်။ ဒါပေမယ့် ရိုဟင်ဂျာအများစုအတွက် သူတို့ရဲ့နေအိမ်မပြောနဲ့၊ ပြန်ဖို့ ရွာတောင်မရှိတော့တဲ့အခြေအနေဖြစ်ပါတယ်။ ရိုဟင်ဂျာတွေဂုဏ်သိက္ခာရှိစွာ နေရပ်ပြန်နိုင်ပြီး ရေရှည်ငြိမ်းချမ်းစေဖို့အတွက်သူတို့ရဲ့လူမှုအသိုက်အဝန်းတွေကို ပြန်လည်တည်ဆောက်ခွင့်ပြုရမှာဖြစ်ပြီး လုံလောက်တဲ့ကုစားမှု သို့မ ဟုတ် အကူအညီများပေးဖို့အထူးကြိုး ပမ်းရမှာဖြစ်ပါတယ်။” လို့ ယန္တရားရဲ့ အကြီးအကဲ နီကိုလတ်စ်ခွန်ဂျန်က ဆိုပါတယ်။
အဲဒီအစီရင်ခံစာဟာကိုယ်တိုင်တွေ့ကြုံခဲ့တဲ့သက်သေတွေရဲ့ထွက်ဆိုချက်တွေ၊ ဂြိုဟ်တုပုံရိပ်တွေ၊ဗီဒီယိုမှတ်တမ်းတွေ၊ တရားဝင်မှတ်တမ်းမှတ်ရာတွေ၊စာရွက် စာတမ်းတွေကို အခြေခံပြီး ကျေးရွာအုပ်စုခုနှစ်စုကို အဓိကလေ့လာထားတယ်လို့ ဆိုပါတယ်။
အဲဒီကျေးရွာအုပ်စုတစုစီမှာ ၂၀၁၇ ခုနှစ်ကဖြစ်ပွားခဲ့တဲ့အကြမ်းဖက်မှုတွေကြောင့် ရိုဟင်ဂျာတွေထွက်ပြေးသွားပြီးနောက်ပိုင်း နေအိမ်တွေ၊ပိုင်ဆိုင်မှုတွေကို မြန်မာစစ်တပ်က ဖျက်ဆီးခဲ့တယ်လို့ ဆိုပါတယ်။
အဲဒီနောက် မြေနေရာတွေမှာ မြန်မာနယ်ခြားစောင့်အခြေစိုက်စခန်းတခု တည်ဆောက်ခဲ့တယ်လို့ဆိုပါတယ်။
အဲဒီအထဲကမြေဧက လေးရာတဆယ်တဧကကျော်ဟာ ၂၀၁၈ ခုနှစ်မှုမီးရှို့ ဖျက်ဆီးခံခဲ့ရပြီးအရင်ရိုဟင်ဂျာကျေးရွာနေရာမှာနယ်ခြားစောင့်အခြေစိုက်စခန်းဆောက်လုပ်ခဲ့တဲ့အထောက်အထားတွေကို စုဆောင်းထားတယ်လို့ ဆိုပါတယ်။
အဲဒါကြောင် ရိုဟင်ဂျာကျေးရွာတွေကိုဖျက်ဆီးတာ၊နယ်ခြားစောင့်အခြေစိုက်စခန်းတွေဆောက်လုပ်တာတွေက အကျိုးအမြတ်ရရှိခဲ့တဲ့လူပုဂ္ဂိုလ်အဖွဲ့အ စည်းတွေကိုလည်း ဖော်ပြထားတယ်လို့ဆိုပါတယ်။
အဲဒီအထဲမှာပြည်ထဲရေးဝန်ကြီးဌာနဟာ နယ်ခြားစောင့်စခန်းတွေတိုးချဲ့ရေးအတွက် ငွေကြေးထောက်ပံ့မှုနဲ့ညွှန်ကြားမှုတွေပြုလုပ်ခဲ့တာအပါအဝင် သိ မ်းယူထားတဲ့ရိုဟင်ဂျာပိုင်မြေတွေကို နယ်ခြားစောင့်တပ်ကတိုက်ရိုက်အပိုင်စီးအသုံးပြုတာ၊ Asia World ကုမ္ပဏီ၊ တခြားစီးပွားရေးလုပ်ငန်းတွေကအခြေစိုက်စခန်းတွေ၊ လမ်းတွေ၊ လုံခြုံရေးစခန်းတွေ ဆောက်လုပ်ခဲ့တာတွေကိုဖော်ပြထားတယ်လို့ ဆိုပါတယ်။
အဲဒီအသေးစိတ်စိစစ်သုံးသပ်ထားတဲ့လျှို့ဝှက်အစီရင်ခံစာအပြည့်အစုံကို သ က်ဆိုင်ရာနိုင်ငံတွင်းနဲ့ နိုင်ငံတကာတရားရေးအာဏာပိုင်တွေဆီမျှဝေရန်ပြင် ဆင်ထားတယ်လို့ ဆိုပါတယ်။
အဲဒါမှာသက်သေနဲ့အချက်အလက်ရင်း မြစ်တွေပါ၀င်ပြီး ပြစ်မှုတွေအတွက်တာဝန်ရှိနိုင်တဲ့ကုမ္ပဏီတွေနဲ့လူပုဂ္ဂိုလ်တွေကို ဖော်ထုတ်ထားပြီလို့ ဆိုပါတယ်။
အဲဒီအစီရင်ခံစာဟာ မြန်မာနိုင်ငံရှိရာဇ ဝတ်မှုတွေစုံစမ်းစစ်ဆေးမှုတွေပြုလုပ်ရာမှာ(သို့မဟုတ်)နစ်နာခဲ့သူတွေအတွ က် ကုစားမှုဆိုင်ရာလုပ်ငန်းတွေမှာအ ထောက်အကူပြုဖို့မျှော်လင့်တယ်လို့ဆိုပါတယ်။
အဲဒီမောင်တော၊ ဘူးသီးတောင်၊ ရသေ့တောင် သုံးမြို့နယ်စလုံးကို အာရက္ခတပ်တော်က အပြီးသတ်သိမ်းပိုက်ထားပြီး တချို့နေရာတွေကို အသစ်ပြန်လ ည်တည်ဆောက်အသုံးပြုနေတယ်လို့ဒေသခံတွေက ဆိုကြပါတယ်။
