Border News Agency
မကွေး၊ နိုဝင်ဘာ ၁၀။
မကွေးတိုင်း၊ ပခုက္ကူခရိုင်၊ ပေါက်မြို့နယ်မှာ စစ်ကြောင်းထိုးဝင်ရောက်နေတဲ့ စစ်ကော်မရှင်တပ်ရဲ့ ကပစတဦးလက်နက်တွေနဲ့ ထွက်ပြေးလာတယ်လို့ ပေါက်မြို့နယ်ပြည်သူ့ကာကွယ်ရေးတပ်ဖွဲ့မှ နိုဝင်ဘာလ ၉ ရက်၊ မနေ့ကသတင်းပြန်ပါတယ်။
အဲဒီ ဆိပ်ဖြူမြို့နယ်အခြေစိုက် ကပစ ၂၂ ကနေ ထွက်လာတဲ့တပ်မ – ၉၉ လက်အောက်ခံအင်အားသုံးရာကျော်ပါတပ်ရင်းသုံး နိုဝင်ဘာလပထမအပတ်ကစလို့ ပေါက်မြို့နယ်တောင်ပိုင်းကို စစ်ကြောင်းထိုးဝင်ရောက်နေတယ်လို့ဆိုပါတယ်။
အဲဒီစစ်ကော်မရှင်တပ်ရဲ့ စစ်ကြောင်းထဲကနေ လက်နက်ယူထွက်ပြေးနေသူတွေလည်း ရှိနေတယ်လို့ဆိုပါတယ်။
အဲဒီထဲမှာ စစ်ကော်မရှင်တပ်ရဲ့ခမရ ၁၀၉ နဲ့ ခမရ ၄၁၉ တပ်ရင်းတွေက တပ်ဖွဲ့ဝင်နှစ်ဦးဟာပြီးခဲ့တဲ့ နိုဝင်ဘာလ ၁ ရက်နေ့ကထွက်ပြေးလာတာကြောင့် ပေါက်ပ ကဖက ဖမ်းဆီးထိန်းသိမ်းနိုင်ခဲ့တယ်လို့ဆိုပါတယ်။
သူတိုနဲ့အတူ RPG တလက်၊ အဖူးလေးဖူး ၊ MA4 တလက်၊ 40mm အသီးဆယ့်နှစ်လုံးနဲ့လက်ပစ်ဗုံးနှစ်လုံး၊ 5.56 ကျည်အထောင့်တရာနဲ့ G3 ကျည်ဆယ့်ကိုးထောင့်ကိုလည်း သိမ်းဆည်းရမိခဲ့တယ်လို့ဆိုပါတယ်။
အဲဒီအပြင် ခမရ ၁၄ ကျောက်ဆည်တပ်ရင်းမှ ပြည်သူ့စစ်သင်တန်းဆင်းတဦးဟာလည်း နိုဝင်ဘာလ ၉ ရက်နေ့မှာ ပေါက်ပကဖ ဆီရောက်လာတယ်လို့ဆိုပါတယ်။
သူနဲ့အတူ MA 1 သေနတ်တလက်၊ ကျည်ဘောက်သုံးဘောက်၊ 5.56 ကျည်တောင့်တရာ၊ အီနာဂါတလုံး၊ လက်ပစ်တလုံးနဲ့ RPG ဖူးတဖူးကို သိမ်းဆည်းရမိခဲ့တယ်လို့ ဆိုပါတယ်။
