Border News Agency
မင်းတပ်၊ဇွန်လ ၂၈။
စစ်တွေ၊ကျောက်ဖြူ၊မကွေး၊ပဲခူး၊ဧရာဝတီ၊မင်းတပ်၊ကန်ပက်လက်မှာ အာဏာသိမ်းစစ်တပ်ကို တိုက်ခိုက်နေတယ်လို့ ဇွန်လ ၂၇ ရက်၊မနေ့က အာရက္ခတပ်တော်ထုတ်ပြန်ပါတယ်။
အဲဒီအပြင် အာရက္ခတပ်တော်လှုပ်ရှားရာနေရာအနှံ့မှာလည်း အာဏာသိမ်းစစ်တပ်ဟာ လူလှိုင်းအသုံးပြုထိုးစစ်တွေကြောင့် တိုက်ပွဲတွေပြင်းထန်နေတယ်လို့ ဆိုပါတယ်။
အာဏာသိမ်းစစ်တပ်ပြည်နယ်အစိုးရ အဖွဲ့ရုံးစိုက်ထားသလိုဒေသကွပ်ကဲမှုစစ်ဌာနချုပ်တည်ရှိတဲ့စစ်တွေမြို့နယ်ကိုလည်း အာရက္ခတပ်တော်ထိုးစစ်ဆင်တိုက်ခိုက်နေတာပါ။
အဲဒီအပြင်တရုတ်စီမံကိန်းတွေတည်ရှိတဲ့ကျောက်ဖြူမြို့နယ်ကိုလည်း အာရက္ခတပ်တော်ထိုးစစ်ဆင်တိုက်ခိုက်နေတာမို့ တိုက်ပွဲတွေပြင်းထန်နေပါတယ်။
နောက်ပြီးအာရက္ခတပ်တော်ထိန်းချုပ်နယ်မြေတွေကိုဝင်ရောက်နိုင်တဲ့မကွေး၊ပဲခူး၊ဧရာဝတီမှာလည်း အာရက္ခတပ်တော်က ထိုးစစ်ဆင်တိုက်ခိုက်နေတာပါ။
အာရက္ခတပ်တော်ထိန်းချုပ်နယ်မြေတွေရဲ့ဆက်စပ်နေတဲ့မင်းတပ်၊ကန်ပက် လက်မှာလည်းချင်းပြည်သူ့တပ်မတော်နဲ့ပူးပေါင်းပြီး အာရက္ခတပ်တော်ခုခံတို က်ခိုက်နေတယ်လို့ ဆိုပါတယ်။
အဲဒီချင်းပြည်သူ့တပ်မတော်ထိန်းချုပ်နယ်မြေတွေဟာ အာရက္ခတပ်တော်ရဲ့နဂါးစစ်ဒေသဖြစ်ပြီး အာရက္ခတပ်တော်ကအင်အားထောင်ချီပါဝင်တိုက် ခိုက်နေတာလို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။
