Border News Agency
မိုးမိတ်၊ ဒီဇင်ဘာ ၈။
မိုးကုတ်ခရိုင်၊ မိုးမိတ်မြို့နယ်၊ မြစ်ဆုံကျေးရွာကို စစ်ကော်မရှင်တပ်လေကြောင်းတိုက်ခိုက်လို့ ကလေးတွေအပါအဝင် အရပ်သားဆယ့်တဦးသေဆုံးခဲ့တယ်လို့ တအာင်းတပ်မတော် (TNLA)က ဒီဇင်ဘာလ ၈ ရက်၊ ဒီနေ့ထုတ်ပြန်ပါတယ်။
အဲဒီ မြစ်ဆုံကျေးရွာကို ဒီဇင်ဘာ ၆ ရက်နေ့က စစ်ကော်မရှင်တပ်မှတိုက်လေယာဥ်နှစ်စီးနဲ့ ရွယ်ရည်ချက်ရှိရှိလေကြောင်းတိုက်ခိုက်ခဲ့တယ်လို့ဆိုပါတယ်။
အဲဒီလို တိုက်ခိုက်ခဲ့တာကြောင့် ကလေးနှစ်ဦး၊ အမျိုးသားခုနှစ်ဦးနဲ့အမျိုးသမီးနှစ်ဦးသေဆုံးသွားခဲ့ပြီး နေအိမ်တအိမ်လုံးလည်းပျက်စီးခဲ့တယ်လို့ဆိုပါတယ်။
အဲဒီမန်ကျည်းပင်ကျေးရွာကိုလည်း ပြီးခဲ့တဲ့အောက်တိုဘာလ ၂၇ ရက်နေ့က စစ်ကော်မရှင်တပ်မှ ပေါင် ၂၅၀ ဗုံးနဲ့တိုက်ခိုက်ခဲ့တာကြောင့် နေအိမ်တလုံးပျက်စီးသွားတယ်လို့ ဆိုပါတယ်။
ဒါ့ကြောင့် စစ်ကော်မရှင်တပ်ဗုံးကြဲတိုက်ခိုက်မှုတွေကိုရှောင်ရှားနိုင်ဖို့ ပြည်သူတွေစစ်ရေးသတိအမြဲရှိဖို့လိုအပ်ပြီး လေကြောင်းရန်ကာကွယ်ရေးဆိုင်ရာနည်းလမ်းတွေကို လိုက်နာဆောင်ရွက်ဖို့ လိုအပ်ကြပါတယ်။
