Border News Agency
ဧရာဝတီ၊ ဇန်နဝါရီ ၁။
ဧရာဝတီတိုင်း၊ ရေကြည်၊ လေးမျက်နှာ၊ အင်္ဂပူ စတဲ့မြို့နယ်တွေမှာ တနှစ်အတွင်း စစ်ကော်မရှင်တပ်ကြောင့် အရပ်သားခြောက်ဆယ့်ကိုးဦးသေဆုံးပြီး တရာ့နှစ်ဆယ့်ငါးဦး ဒဏ်ရာရသွားခဲ့တယ်လို့ ဧရာဝတီတိုင်းစစ်ဌာနမှ ဒီဇင်ဘာလ ၃၁ ရက်နေ့က ထုတ်ပြန်ပါတယ်။
အဲဒီမြို့နယ်တွေကို ပြီးခဲ့တဲ့နှစ်၊ ဇန်နဝါရီလ ၁ ရက်နေ့မှ ဒီဇင်ဘာလ ၃၁ ရက်နေ့ထိ စစ်ကော်မရှင်တပ်က လေကြောင်း၊ လက်နက်ကြီးတွေနဲ့ ပစ်ခတ်တိုက်ခိုက်လို့ အရပ်သားခြောက်ဆယ့်ကိုးဦးသေဆုံးပြီး တရာ့တဆယ့်ငါးဦး ဒဏ်ရာရသွားခဲ့တယ်လို့ ဆိုပါတယ်။
အဲဒီအပြင် နေအိမ်၊ အဆောက်အအုံတရာ့ခြောက်ဆယ်ခုနှစ်ခု ပျက်စီးခဲ့ရတယ်လို့ ဆိုပါတယ်။
စစ်ကော်မရှင်တပ်က အရပ်သားပြည်သူတွေ၊ လူနေအဆောက်အအုံတွေကို ရည်ရွယ်ချက်ရှိရှိပစ်မှတ်ထားတိုက်ခိုက်ပြီး စစ်ရာဇဝတ်မှုတွေ ကျူးလွန်နေတယ်လို့ ဆိုပါတယ်။
စစ်ကော်မရှင်တပ်ကြောင့် အသက်အိုးအိမ်စည်းစိမ်ထိခိုက်ခဲ့ရတဲ့ ပြည်သူတွေရဲ့မိသားစုတွေနဲ့ထပ်တူဝမ်းနည်းရပြီး လေကြောင်းနဲ့လက်နက်ကြီး ပစ်ခတ်တိုက်ခိုက်တာတွေကိုဂရုစိုက်ကြဖို့၊ စစ်ရေးသတိနဲ့ သွားလာနေထိုင်ကြဖို့ အသိပေးထားပါတယ်။
ပြည်သူတွေအပေါ် စစ်ကော်မရှင်တပ်ကျူးလွန်ထားတဲ့ စစ်ရာဇဝတ်မှုတွေကို အပြင်းထန်ဆုံးလက်တုံ့ပြန်သွားမယ်လို့လည်း ဆိုပါတယ်။
