စစ်ကောင်စီနဲ့ပူးပေါင်းနေတဲ့ပါတီတွေ အာရက္ခပြည်သူတွေကို ကိုယ်စားမပြု
ကျောက်တော်၊သြဂုတ် ၂၃။
အာဏာသိမ်းစစ်ကောင်စီရဲ့ရွေးကောက်ပွဲကော်မရှင်ဆီမှာပါတီမှတ်ပုံတင်ထားကြပြီး စစ်ကောင်စီနဲ့ပူးပေါင်းဆောင်ရွက်နေကြတဲ့ ရခိုင်ကပါတီတွေဟာ အာရက္ခပြည်သူတွေကို ကိုယ်စားမပြုကြဘူးလို့ အာရက္ခပြည်သူတွေက ဆိုကြပါတ ယ်။
အဲဒီအထဲမှာ အာဏာသိမ်းပြီးနောက်စစ်ကောင်စီပြန်လွှတ်ပေးထားတဲ့ဒေါက် တာအေးမောင်ဦးဆောင်တဲ့ ရခိုင့်ဦးဆောင်ပါတီ(Arakan Front Party)အပါအ ဝင် ငါးပါတီကို စစ်ကောင်စီလက်အောက်ခံရွေးကောက်ပွဲကော်မရှင်က မှတ်ပုံ တင်ခွင့်ပြုပေးထားပါတယ် ။
အဲဒီရခိုင့်ဦးဆောင်ပါတီ(AFP)၊မြိုတိုင်းရင်းသားပါတီ(MNP)၊မြိုတိုင်းရင်းသားဖွံ့ဖြိုးတိုးတက်ရေးပါ တီ(MNDP)၊ခမီအမျိုးသားဖွံ့ဖြိုးတိုးတက်ရေးပါတီ( KN DP)နဲ့ရခိုင်ပြည်နယ်အမျိုးသားအင်အားစုပါတီ(RSNUP)တွေဟာ အာရက္ခပြည်သူတွေကို ကိုယ်စားမပြုကြဘူးလို့ အာရက္ခပြည်သူတွေက ဆိုကြပါတ ယ်။
”ဒေါက်တာအေးမောင်ကိုရော့ ပါတီနိုင်ငံရေးကိုပါ ပြည်သူတွေမယုံကြတော့ဘူး။အာဏာသိမ်းပြီးနောက်ပိုင်းစစ်တပ်က သူတို့ကိုထောက်ခံတဲ့ပါတီတွေကိုပဲရပ်တည်ခွင့်ပေးထားတာ။ရခိုင်ကပါ တီအကုန်လုံးဟာ ဘယ်ပြည်သူကိုမှကိုယ် စားမပြုပါဘူး။ပါတီနာမေခံပြီးစစ် တပ်နဲ့ပေါင်းစားလုပ်စားနေကြသူတွေ။”လို့ စစ်တွေမြို့မှမြို့မိမြို့ဖတစ်ဦးက Border News Agency သို့ပြောပါတယ်။
အဲဒီအထဲက ရခိုင်ပြည်နယ်အမျိုးသားအင်အားစုပါ တီ(RSNUP)ဟာ စစ်တပ်လက်ဝေခံကြံ့ဖွတ်ပါတီရဲ့ပါတီခွဲသာဖြစ်ပြီး အာရက္ခပြည်သူတွေမသိကြသလို
ဘယ်အာရက္ခပြည်သူအကျိုးစီးပွားကိုမှဆောင်ရွက်ခဲ့ကြသူတွေမဟုတ်ကြဘူးလို့ အာရက္ခပြည်သူတွေက ဆိုကြပါတယ်။
အဲဒီအပြင် မြိုတိုင်းရင်းသားပါတီ(MN P)၊မြိုတိုင်းရင်းသားဖွံ့ဖြိုးတိုးတက်ရေးပါတီ(MNDP)၊တွေဟာလည်း မြိုလူမျိုးတွေကို ကိုယ်စားပြုသူတွေမဟုတ်ကြဘဲ မြိုအမည်ခံ လူမျိုးခေါင်းစဥ်တပ်လုပ်စားနေကြသူတွေဟာ ဖြစ်တယ်လို့ မြိုလူမျိုးတွေက ဆိုကြပါတယ်။
”ရခိုင်မှာတိုက်ပွဲတွေဖြစ်ကတည်းကခုချိန်ထိ ကျနော်တို့ကိုလာကြည့်တာ၊ကူညီပေးတာဘာမှာမရှိကြပါဘူး။ပါတီထောင်၊လူမျိုးခေါင်းစဥ်တပ်လုပ်စားနေကြသူတွေပါ။ကျနော်တို့လူမျိုးကိုကိုယ်စားမပြုကြပါဘူး။”လို့ ကျောက်တော်မြို့နယ်မှမြိုလူမျိုးတစ်ဦးက Border News Agency သို့ပြောပါတယ်။
နောက်ပြီး ခမီအမျိုးသားဖွံ့ဖြိုးတိုးတက်ရေးပါတီ (KNDP)ဟာလည်း ခမီလူမျိုးတွေကို ကိုယ်စားမပြုသလို ခမီပါတီတွေလည်းမလိုအပ်တော့ဘူးလို့ ခမီလူမျိုး တွေက ဆိုကြပါတယ်။
အဲဒီလို လူမျိုးအမည်ခံပါတီထောင်နေကြသူတွေဟာ စစ်တပ်ရဲ့စစ်ရာဇဝတ်မှုတွေကိုကာကွယ်ပေးနေကြသူတွေဖြစ်ကြပြီး ရက္ခိုင်အမျိုးသားအဖွဲ့ချုပ်(ULA) ကိုသာ ယုံကြည်လက်ခံတယ်လို့ ခမီလူမျိုးတွေက ဆိုကြပါတယ်။
အဲဒါကြောင့် လူမျိုးအမည်ခံပြီး ပါတီထောင်လုပ်စားနေကြတာတွေရပ်တန့်ပြီး စစ်အာဏာရှင်တွေကို ဆန့်ကျင်ကန့်ကွက်ကြဖို့ လိုအပ်တယ်လို့ ခမီလူမျိုးတွေ က ဆိုကြပါတယ်။
”ကျနော်တို့ကို စစ်တပ်ကဖမ်းတာ၊ဆီးတာ၊သတ်တာတွေလုပ်နေချိန် ဘယ်ခမီပါတီမှာလာမကူညီကြပါဘူး။စစ်ဘေးရှောင်နေကြရလိုထမင်းငတ်နေချိန်လည်း သတင်းတောင်မမေးကြပါဘူး။ခုတော့ ULA ကိုပဲအားကိုးယုံကြည်ပါတယ်။ခမီပါတီကလူတွေ စစ်တပ်ကိုဆန့်ကျင်ကြဖို့ပြောချင်ပါတယ်။”လို့ ဘူးသီးတောင်မြို့မှခမီလူမျိုးတစ်ဦးက Border News Agency သို့ပြောပါတယ်။
အဲဒီရခိုင်အမည်ခံပါတီတွေအပါအဝင်အာဏာသိမ်းစစ်ကောင်စီရဲ့ရွေးကောက် ပွဲကော်မရှင်က နိုင်ငံရေးပါတီမှတ်ပုံတင်ထားတဲ့ပါတီအားလုံးနဲ့ပြည်ထောင်စုရွေးကောက်ပွဲကော်မရှင်(UEC)ဟာ သြဂုတ်လ ၂၄ ရက်နေ့နေပြည်တော်မှာ တွေ့ဖို့ရှိနေပါတယ်။
အဲဒီပါတီတွေထဲက ရခိုင့်ဦးဆောင်ပါတီ(AFP)ဥက္ကဋ္ဌဒေါက်တာအေးမောင်ဟာ အာရက္ခပြည်သူတွေကို နေ့စဥ်ရက်ဆက်သတ်ဖြတ်နေပြီး စစ်ရာဇဝတ်မှုတွေကျူးလွန်နေတဲ့အာဏာသိမ်းစစ်တပ်နဲ့ပူးပေါင်းဆောင်ရွက်နေသလို အာဏာ သိမ်းစစ်တပ်ရဲ့စစ်ရာဇ ဝတ်မှု၊လူ့အခွင့်အရေးချိုးဖောက်မှုတွေကိုလည်းအကာ အကွယ်ပေးနေတယ်လို့ အာရက္ခပြည်သူတွေက ဝေဖန်ပြောဆိုနေကြပါတယ်။
အဲဒီအပြင် ရခိုင့်ဦးဆောင်ပါတီ(AFP)ဥက္ကဋ္ဌဒေါက် တာအေးမောင်ဟာ အာရက္ခတပ်တော်(AA)ရဲ့စစ်ရေးလှုပ်ရှားမှုတွေ၊အာရက္ခတပ်တော်(AA)နဲ့ပတ်သတ်သူတွေရဲ့သတင်းအချက်အလက်တွေကို စစ်ကောင်စီတပ်ဆီးပေးပို့တာတွေ၊အကြံဥာဏ်ပေးတာတွေအပြင် စစ်ကောင်စီအတွက်ဝါဒဖြန့်တာတွေပါပြုလုပ်ပေးနေသလို အာရက္ခပြည်သူလူထုတရပ်လုံးကို ထိပါးစော်ကားနေတာမို့ အမျိုးသားသစ္စာဖောက်အဖြစ်သတ်မှတ်ဖို့ အာရက္ခပြည်သူတွေ တောင်းဆိုနေကြပါတယ် ။
အာဏာသိမ်းစစ်တပ်ဟာ လာမယ့် ၂၀ ၂၅ မှာ ရွေးကောက်ပွဲပြုလုပ်မယ့်လို့မကြာခဏပြောနေပေမယ့် အာရက္ခဒေသကမြို့အများစုကိုအာရက္ခတပ်တော် (AA)အပြီးသတ်တိုက်ခိုက်သိမ်းပိုက်ထားပြီမို့ အာရက္ခဒေသမှာ ရွေးကောက်ပွဲကျင်းပဖို့ လုံးမဖြစ်နိုင်တော့ဘူးလို့ အာရက္ခပြည်သူတွေက ဆိုကြပါတယ်။
(ဓာတ်ပုံ-ရခိုင့်ဦးဆောင်ပါတီ(AFP)ဥက္ကဋ္ဌဒေါက်တာအေးမောင်ကို အာရက္ခတပ်တော်(AA)ခေါင်းဆောင်တွေနဲ့အတူ ရခိုင်အမျိုးသားညီလာခံမှာတွေ့ရပုံ/BNA)
