တောင်ကုတ်၊သြဂုတ် ၂၂။

အာရက္ခတပ်တော်(AA)က ပိတ်ဆို့ဝိုင်းရံထားပြီး စစ်ရေးတင်းမာမှုတွေဖြစ်နေကြတဲ့ တောင်ကုတ်မြို့နယ်ကို စစ်ကောင်စီတပ်က သြဂုတ်လ ၂၂ ရက်၊ဒီနေ့နေ့လည် ၁ နာရီအချိန်ခန့်မှာ လေကြောင်းတိုက်ခိုက်မှုတွေ ပြုလုပ်ခဲ့တာမို့ နို့တိုက်မိခင်တစ်ဦးသေဆုံးခဲ့တယ်လို့ တောင်ကုတ်ဒေသခံတွေက ဆိုကြပါတယ်။

အဲဒီတောင်ကုတ်မြို့နယ်၊မီးချောင်းထိုးရွာသစ်ကို စစ်ကောင်စီတပ်က လေ ကြောင်းမှ သုံးကြိမ်ပစ်ခတ်ခဲ့တာမို့ ကျေးရွာအတွင်းကျရောက်ပေါက်ကွဲပြီးတစ်လသားအရွယ်ကလေးငယ်တစ်ဦးရဲ့နို့တိုက်မိခင်၊အ သက် ၂၆ နှစ်အရွယ်ဒေါ်ခင်ယုနန္ဒာထွန်းသေဆုံးခဲ့တယ်လို့ ဆိုကြပါတယ်။

အဲဒီအပြင် ဘုန်းကြီးကျောင်းအနီးကျရောက်ပေါက်ကွဲပြီးနေအိမ်တချို့လည်းပျက်စီးသွားခဲ့ပေမယ့် ထိခိုက်ဒဏ်ရာရသူတွေမရှိဘူးလို့ ကျေးရွာသားတွေက ဆိုကြပါတယ်။

“နို့တိုက်မိခင်တဦးဆုံးသွားပါတယ်။တခြားဒဏ်ရာရသူတွေကတော့မရှိပါဘူး။နေအိမ်တချို့ပျက်သွားပါတယ်။ရွာသားအများစုကစစ်ဘေးရှောင်သွားကြလို့ရွာမှာလူသိပ်မကျန်တော့ပါဘူး။”လို့ တောင်ကုတ်ဒေသခံတစ်ဦးက Border News Agency သို့ပြောပါတ ယ်။

အဲဒီတောင်ကုတ်မြို့နယ်၊ကျောက်ကြီးကွင်းကျေးရွာကို သြဂုတ်လ ၁၉ ရက်နေ့ကလည်း စစ်ကောင်စီတပ်မှလေကြောင်းတိုက်ခိုက်မှုတွေပြုလုပ်ခဲ့တယ်လို့ ဆိုကြပါတယ်။

စစ်ကောင်စီတပ်က အရပ်သားပြည်သူတွေကို ရည်ရွယ်ချက်ရှိရှိ ဗုံးကြဲတိုက် ခိုက်ခဲ့တာမို့ ကျေးရွာအနီးကျရောက်ပေါက်ကွဲပြီး လူနေအိမ်အများအပြားပျ က်စီးသွားတယ်လို့ ဒေသခံတွေက ဆိုကြပါတယ်။

အဲဒီကျောက်ကြီးကွင်းတောင်မှသီးနှံစိုက်ခင်းတွေပျက်စီးသွားခဲ့သလို ရွာရှိနေ အိမ်ဆယ်လုံးထိပျက်စီးသွားတယ်လို့လည်း ဒေသခံတွေက ဆိုကြပါတယ်။

အဲဒီတောင်ကုတ်မြို့နယ်၊မိုးတောင်တန်းကို ဩဂုတ်လ ၁၆ရက်နေ့ကလည်း စစ်ကောင်စီတပ်မှလေ ကြောင်းဗုံးကြဲတိုက်ခိုက်ခဲ့လို့ မိုးပညာဒါနပရဟိတဘုန်းတော်ကြီးကျောင်းပျက်စီးသွားတယ်လို့ ဒေသခံတွေက ဆိုကြပါတယ်။

အဲဒီတောင်ကုတ်မြို့နယ်မှာ စစ်ကောင်စီတပ်နဲ့အာရက္ခတပ်တော်(AA)တို့ကြားစစ်ရေးတင်းမာနေတာမို့ စစ်ကောင်စီတပ်က အရပ်သားပြည်သူတွေ၊ကျေးရွာတွေကို ရည်ရွယ်ချက်ရှိရှိပစ်ခတ်တာတွေ ပြုလုပ်နေတာလို့ ဆိုကြပါတယ်။

အဲဒီတောင်ကုတ်မြို့ပေါ်မှာစစ်ကောင်စီတပ်သတင်းပေးဒလန်တချို့ဟာ စစ်ဘေးရှောင်လာသလိုမျိုးလာရောက်နေထိုင်ပြီး အာရက္ခတပ်တော်(AA)ရဲ့လှုပ်

ရှားမှုတွေကို စစ်ကောင်စီတပ်ဆီဖုန်းနဲ့သတင်းပေးပို့တာတွေပြုလုပ်နေတာမို့စစ်တပ်က လေယာဥ်တွေနဲ့ဗုံကြဲတိုက်ခိုက်တာတွေပြုလုပ်နေတာလို့လည်းတောင်ကုတ်ဒေသခံတချို့က ဆိုကြပါတယ်။

”စရဖသတင်းပေးတချို့က မြို့နားကတပ်တွေအတိုက်မခံရအောင်သတင်းမှားတွေပေးပြီးလေကြောင်းပစ်ခိုင်းနေတာပါ။သူကတော့ မြို့ထဲသို့ ပြန်ဝင်ပြေးသွာပါပြီး။သူကိုစရဖကပိုက်ဆံတွေထောက်ပံ့ပေးပြီးသတင်းပေးဒလန်လုပ်ခိုင်းထားတာပါ။”လို့ တောင်ကုတ်ဒေသခံတစ်ဦးက Border News Agency သို့ပြောပါတယ်။

အဲဒီတောင်ကုတ်မြို့နယ်မှာ အာရက္ခတပ်တော်(AA) ရဲ့စစ်ရေးလှုပ်ရှားမှုတွေ၊အ ရပ်သားပြည်သူတွေရဲ့ပူးပေါင်းပါဝင်နေမှုတွေကို စောင့်ကြည့်ထောက်လှမ်းသ တင်းပေးပို့ဖို့ သတင်းပေးဒလန်းကို စစ်ကောင်စီတပ်ကမွေးထားပြီး သူဟာတောင်ကုတ်-မအီကားလမ်းဘေးမှာ စစ်ဘေးရှောင်အဖြစ်နေထိုင်သတင်းယူခဲ့ကာ မြို့ထဲသို့ ပြန်ဝင်ပြေးသွားတယ်လို့ တောင်ကုတ်ဒေသခံတွေက ဆိုကြပါတယ်။

သူ့ကို အရင်က မောင်တောမှာတာဝန်ကျခဲ့ပြီး လက်ရှိအမ်းမှာတာဝန်ကျနေတဲ့ စစ်ဖက်ရေးရာလုံခြုံရေးတပ်မှ ဗိုလ်ကြီးအာကာစိုးနဲ့ရန်ကုန်မှာတာဝန်ကျနေတဲ့စစ်ဖက်ရေးရာလုံခြုံရေးတပ်မှ ဒုတပ်ရင်းမှူးဝင်းသူတို့က ငွေကြေးထောက်ပံ့ကာ သတင်းပေးဒလန်းအဖြစ်မွေးထားတာလို့ ယုံကြည်စိတ်ချရသူတွေက

ဆိုကြပါတယ်။

အဲဒီသတင်းပေးဒလန်ကြောင့် တောင်ကုတ်မြို့နယ်မှာ စစ်ကောင်စီတပ်ကလေ ကြောင်းတိုက်ခိုက်မှုတွေ နေ့စဥ်ရက်ဆက်လို့ပြုလုပ်လာသလို အာရက္ခတပ် တော်(AA)ရဲ့စစ်ရေးလှုပ်ရှားမှုတွေ၊စစ်သည်လက်နက်ရိက္ခာအပြောင်းအရွေ့တွေကအစ သတင်းပို့နေတာတွေရှိနေတယ်လို့ ဆိုကြပါတယ်။

အဲဒီတောင်ကုတ်မြို့နယ်၊အောင်မင်္ဂလာကျေးရွာအီးကို သြဂုတ်လ ၁၅ ရက်နေ့ကလည်း စစ်ကောင်စီတပ်က လေကြောင်းတိုက်ခိုက်မှုတွေပြုလုပ်ခဲ့လို့ကွမ်းစိုက်ခင်းတွေပျက်စီးသွားတယ်လို့ဒေသခံတွေက ဆိုကြပါတယ်။

အဲဒီအပြင် တောင်ကုတ်မြို့အ​ခြေစိုက်အမှတ် ၅ စစ် ဆင်ရေးကွပ်ကဲမှုဌာနချုပ်ကလည်း သြဂုတ်လ ၈ ရ က်နေ့ကစတင်ပြီး လက်နက်ကြီးပစ်ခတ်တာတွေပြု လုပ်နေတယ်လို့ တောင်ကုတ်မြိူ့ခံတွေက ဆိုကြပါတယ်။

အာရက္ခအဆုံးအဖြစ်စစ်ပွဲမှာ စစ်ကောင်စီတပ်ဟာ လူမျိုးရေးအမုန်းတရားတွေနဲ့အရပ်သားပြည်သူတွေကို ရည်ရွယ်ချက်ရှိရှိ ဗုံးကြဲတိုက်ခိုက်တာတွေ၊ဒရုန်းတွေ၊လက်နက်ကြီးတွေနဲ့ပစ်ခတ်တာတွေ ပြုလုပ်နေတယ်လို့ အာရက္ခပြည်သူတွေက ဆိုကြပါတယ်။

(ဓာတ်ပုံ-တောင်ကုတ်မြို့နယ်တောင်ကြားလမ်းတနေရာ/BNA)