Border News Agency
မိုးကုတ်၊ ဖေဖော်ဝါရီ ၂၈။
မိုးကုတ်-မိုးမိတ်ဒေသ တိုက်ပွဲတွေအတွင်းမှာ စစ်ကော်မရှင်တပ်ဖွဲ့ဝင် ၂၁ ဦး သေဆုံးသွားတယ်လို့ ပြည်သူ့ကာကွယ်ရေးတပ်မတော် (PDF) က ဖေဖော်ဝါရီလ ၂၈ရက်၊ ဒီနေ့ထုတ်ပြန်ပါတယ်။
မိုးကုတ် – မိုးမိတ်ဒေသစစ်ဆင်ရေး စစ်ဦးစီးအဖွဲ့ရဲ့ဦးဆောင်မှုနဲ့ ဇန်နဝါရီလကနေ အခုဖေဖော်ဝါရီလအထိ တိုက်ပွဲကြီးငယ်ပေါင်း ၁၇ ကြိမ်ထက်မနည်း ဖြစ်ပွားခဲ့တာပါ။
တော်လှန်ရေးတပ်ဖွဲ့တွေဟာ စစ်ကော်မရှင်တပ်ရဲ့ အုပ်ချုပ်ထောက်ပံ့မှုနယ်မြေတွေနဲ့ အရေးကြီးတဲ့ပစ်မှတ်တွေကို အထူးစစ်ဆင်ရေးတွေနဲ့ အဆက်မပြတ်ထိုးနှက်တိုက်ခိုက်နေတယ်လို့ဆိုပါတယ်။
အဲဒီတိုက်ပွဲအတွင်း စစ်ကော်မရှင်တပ်ဘက်က အသေအပျောက်များသလို ဖမ်းဆီးရမိတဲ့စစ်သုံ့ပန်းတွေကိုလည်း စနစ်တကျ ဆေးဝါးကုသထိန်းသိမ်းထားတယ်လို့ ဆိုပါတယ်။
PDF တပ်ဖွဲ့တွေဟာ မိုးကုတ်-မိုးမိတ်ဒေသတွင်း စစ်ရေးအရှိန်မြှင့်နေသလို နယ်မြေလုံခြုံရေးနဲ့ မူးယစ်ဆေးဝါးတိုက်ဖျက်ရေလုပ်ငန်းတွေကိုပါ ပူးတွဲဆောင်ရွက်နေတယ်လို့လည်းဆိုပါတယ်။
ဥပဒေမဲ့ရောင်းဝယ်ဖောက်ကားသူတွေကိုလည်းဖမ်းဆီးပြီး သက်ဆိုင်ရာထံလွှဲပြောင်းပေးအပ်ခဲ့ထားတယ်လို့လည်းဆိုပါတယ်။
အဲဒီတိုက်ပွဲအတွင်း အသက်ပေးသွားတဲ့ ရဲဘော်တွေကိုအလေးပြုရင်း တော်လှန်ရေးတာဝန်တွေကို ဆက်လက်တိုက်ပွဲဝင်သွားမယ်လို့ PDF ဘက်က ဆိုပါတယ်။
