Border News Agency
အီရန်၊ မတ် ၅။
အီရန်နိုင်ငံတောင်ပိုင်း၊ ဟော်မုဇ်ဂန်ပြည်နယ်၊ ဘန်ဒါအဘတ်စ်မြို့အနီးက ဟော်မုဇ်ရေလက်ကြားမှာရှိနေတဲ့ အီရန်ရေတပ်ပိုင် “IRIS Shahid Sayyad Shirazi”ကော်ဗက်စစ်သင်္ဘောကို အမေရိကန်တပ်ဖွဲ့တွေက မတ်လ ၄ ရက်၊မနေ့က တိုက်ခိုက်ခဲ့ပါတယ်။
အဲဒီတိုက်ခိုက်မှုဟာ အီရန်နိုင်ငံတောင်ပိုင်းက အရေးပါတဲ့ရေကြောင်းလမ်းကြောင်းတခုဖြစ်တဲ့ ဟော်မုဇ်ရေလက်ကြား အတွင်းမှာ ဖြစ်ပွားခဲ့တာလို့ ဒေသတွင်းမီဒီယာတွေမာဖော်ပြထားပါတယ်။
အဲဒီနေရာဟာ ကမ္ဘာ့ရေနံတင်သင်္ဘောတွေ အဓိကဖြတ်သန်းရာ လမ်းကြောင်းလည်း ဖြစ်ပါတယ်။
တိုက်ခိုက်ခံရတဲ့ စစ်သင်္ဘောဟာ အီရန်အစ္စလာမ္မစ်တော်လှန်ရေးအစောင့်တပ်ဖွဲ့ (IRGC) ရေတပ်ပိုင်ရှဟစ်ရာယတ်ရှီရာဇီ (Shahid Sayyad Shirazi) အမည်ရ စစ်သင်္ဘောဖြစ်ပြီး အမေရိကန်ဘက်က တိုက်ခိုက်ခဲ့တာ ဖြစ်ပါတယ်။
အဲဒီ တိုက်ခိုက်မှုဖြစ်ပွားချိန်မှာပဲ ဒေသတွင်း လေပိုင်နက်ထဲကို ဝင်ရောက်လာတဲ့ အီရန်ရဲ့ ပဲ့ထိန်းဒုံးကျည်တစင်းကိုလည်း နေတိုးတပ်ဖွဲ့တွေက ကြားဖြတ်ဖျက်ဆီးခဲ့ပါတယ်။
