Border News Agency
အီရန်၊ မတ် ၈။
အီရန်နိုင်ငံမှာရောက်ရှိနေတဲ့ ဒေါက်တာလီရိုဖုန်းနဲ့ထိုင်းကျောင်းသားအဖွဲ့ဟာ အမေရိကန်နဲ့အစ္စရေးတို့ရဲ့စစ်ရေးလုပ်ဆောင်ချက်တွေကို မတ်လ ၇ ရက်၊ မနေ့က ကန့်ကွက်ရှုတ်ချတဲ့ ဆန္ဒပြပွဲကို အီရန်မှာ ပြုလုပ်ခဲ့ကြပါတယ်။
အဲဒီဆန္ဒပြပွဲမှာ အမေရိကန်က အီရန်အဓိကခေါင်းဆောင် “အယာတိုလာ အလီခါမေနီ” ကိုလုပ်ကြံသတ်ဖြတ်မှုနဲ့ အပြစ်မဲ့ပြည်သူတွေကိုသတ်ဖြတ်နေတာဟာ စစ်ရာဇဝတ်မှုကျူးလွန်တာဖြစ်တယ်လို့ စွပ်စွဲရှုတ်ချခဲ့ကြတာပါ။
ဆန္ဒပြသူတွေရဲ့ပြောဆိုချက်အရ ဒီလှုပ်ရှားမှုမှာ ထိုင်းနိုင်ငံအပြင် မြန်မာ၊အင်ဒိုနီးရှား၊မလေးရှားနဲ့ ဖိလစ်ပိုင်နိုင်ငံတို့က ကျောင်းသားတွေလည်း ပူးပေါင်းပါဝင်တယ်လို့ ဆိုပါတယ်။
ဒါပေမယ့် ဆန္ဒပြပွဲအတွင်းမှာတော့ အီရန်အလံနဲ့ ထိုင်းအလံတွေကိုပဲ အဓိက လွှင့်ထူထားတာ တွေ့ရပါတယ်။
ဆန္ဒပြကျောင်းသားတဦးက သူတို့ဟာ ထိုင်းပြည်သူ ၇၀ သန်းရဲ့ ကိုယ်စားလှယ်တွေအဖြစ် အီရန်ဘက်ကရပ်တည်တာလို့ ပြောဆိုခဲ့ပြီး လက်ရှိမှာ အမေရိကန်အစိုးရဘက်ကလည်း ဒီဆန္ဒပြပွဲတွေကို အနီးကပ် စောင့်ကြည့်နေတယ်လို့ ဒေသတွင်းမီဒီယာတွေမှာဖော်ပြပါတယ်။
