Border News Agency
အီရန်၊ မတ် ၂၅။
အီရန်က “True Promise 4” စစ်ဆင်ရေးရဲ့ ၇၉ ကြိမ်မြောက်အဖြစ် အစ္စရေးနိုင်ငံအတွင်းက ဗျူဟာမြောက်နေရာတွေနဲ့ ဒေသတွင်းမှာရှိတဲ့ အမေရိကန်စစ်စခန်းတွေကို ဒုံးကျည်အမြောက်အမြားနဲ့ပစ်ခတ်တိုက်ခိုက်ခဲ့တယ်လို့ဆိုပါတယ်။
အဲဒီလို ပစ်ခတ်တိုက်ခိုက်ခဲ့တဲ့ ဗီဒီယိုမှတ်တမ်းကို အီရန်တော်လှန်ရေးအစောင့်တပ် (IRGC)က မတ်လ ၂၄ ရက်နေ့ကထုတ်ပြန်ပါတယ်။
အဲဒီတိုက်ခိုက်မှုမှာ ကီလိုမီတာ ၃၀၀ ကနေ ၈၀၀ အဖြစ် ပစ်ခတ်နိုင်တဲ့ Fateh-110 နဲ့ Qiam အမျိုးအစား ဒုံးကျည်တိုတွေအပြင် ကီလိုမီတာ ၂,၀၀၀ ကျော်အထိ ပစ်ခတ်နိုင်တဲ့ Sejjil နဲ့ Kheibar Shekan အမျိုးအစား ဒုံးကျည်အလတ်စားတွေကိုပါ အသုံးပြုခဲ့တာကို ဗီဒီယိုမှတ်တမ်းမှာ တွေ့ရပါတယ်။
ဒီစစ်ဆင်ရေးဟာ အစ္စရေးနိုင်ငံတောင်ပိုင်း အီလတ်မြို့၊ဒီမိုနာမြို့နဲ့ တဲလ်အဗီးမြို့ မြောက်ပိုင်းက စစ်ရေးပစ်မှတ်တွေအပြင် ရာမတ်ဂန်မြို့နဲ့ ဘီယာရှီဗာမြို့တွေမှာရှိတဲ့ ထောက်ပံ့ရေးစခန်းတွေနဲ့ စစ်ဌာနချုပ်တွေကိုပါ ဦးတည်တိုက်ခိုက်ခဲ့တာလို့ဆိုပါတယ်။
အဲဒီအပြင် တဲလ်အဗီးမြို့မှာရှိတဲ့ အစ္စရေးရဲ့ သတင်းအချက်အလက်ဗဟိုဌာနနဲ့ ထောက်လှမ်းရေးစခန်းတွေကိုလည်း အဓိကထား တိုက်ခိုက်ခဲ့တယ်လို့ဆိုပါတယ်။
