Botder News Agency
လယ်ဒို၊ ဧပြီ ၂။
ခလယ်လွီထူခရိုင်၊ လယ်ဒိုမြို့နယ်အတွင်းက သာယာကုန်းနဲ့ ခြံကြီးကြား မီးရထားလမ်းတံတား ၁၄၆မှာ အခြေချနေတဲ့ စစ်ကော်မရှင်တပ်စခန်းကို KNLAကတိုက်ခိုက်ခဲ့တယ်လို့ ကရင်အမျိုးသားအစည်းအရုံးက ဧပြီလ ၁ ရက်၊ မနေ့ကထုတ်ပြန်ပါတယ်။
အဲဒီတိုက်ခိုက်မှုကို ကရင်အမျိုးသားလွတ်မြောက်ရေးတပ်မတော် (KNLA) တပ်ရင်း ၉၊ တပ်ခွဲ ၃က ဦးဆောင်ပြီးမတ်လ ၃၁ ရက်နေ့ ည ၁၀ နာရီခွဲအချိန်မှာ ဝင်ရောက်စီးနင်းခဲ့တာဖြစ်ကာ စခန်းအတွင်းက တဲ ၃ လုံးကိုလည်း တိုက်ခိုက်ဖျက်ဆီးနိုင်ခဲ့တယ်လို့ဆိုပါတယ်။
အဲဒီတိုက်ပွဲအတွင်းမှာ စစ်ကော်မရှင်တပ်ဖွဲ့ဝင် အရာရှိတဦးအပါအဝင် စုစုပေါင်း ၅ ဦး သေဆုံးခဲ့ပြီး လက်နက်ငယ် ၆ လက်နဲ့ ကျည်မျိုးစုံ ၂၃ တောင့်ကိုလည်း သိမ်းပိုက်ရမိခဲ့တယ်လို့ ဆိုပါတယ်။
အဲဒီစခန်းသိမ်းတိုက်ပွဲအတွင်း KNLA ပူးပေါင်းစစ်ကြောင်းဘက်က ထိခိုက်တာမရှိပဲပြန်လည်ဆုတ်ခွာနိုင်ခဲ့တယ်လို့လည်းဆိုပါတယ်။
