Border News Agency
မီဇိုရမ်၊ ဇူလိုင် ၂၇။
အိန္ဒိယနိုင်ငံ၊ မီဇိုရမ်ပြည်နယ်၊ ဆီဟာခရိုင်၊ နယ်စပ်ရွာ ဆီယာဆီမှာ ကျပ်သိန်းသုံးထောင်ကျော်တန်ဖိုးရှိ ဟီးရိုးအင်းဘူးသုံးဆယ်သုံးဘူးနဲ့အတူ မြန်မာနိုင်ငံသားနှစ်ဦး ဖမ်းဆီးခံလိုက်ရပါတယ်။
အဲဒီမူးယစ်ဆေးဝါးတွေကို မီဇိုရမ် မူးယစ်ဆေးဝါးထိန်းချုပ်ရေးဌာနနဲ့ အာသံရိုင်ဖယ်တပ်ဖွဲ့တို့ ပူးပေါင်းပြီး ဇူလိုင်လ၂၆ ရက်နေ့မှာ ဖမ်းဆီးရမိခဲ့တာပါ။
ဖမ်းဆီးရမိတဲ့ ဟီးရိုးအင်း ဘူးသုံးဆယ်သုံးဘူးဟာ အလေးချိန်လေးရာ့တစ်ဂရမ်ရှိပါတယ်။
ဖမ်းဆီးရမိသူ မြန်မာနှစ်ဦးကို ဆီဟာခရိုင် တရားရုံးပို့ဆောင်ခဲ့ပြီး အချုပ်ထောင်ထဲ တိုက်ရိုက်ပို့ဆောင် ချုပ်နှောင်ထားပါတယ်။
ဆီဟာခရိုင်မူးယစ်ဆေးဝါးထိန်းချုပ်ရေးဌာနဟာ ပြီးခဲ့တဲ့ ဇူလိုင် ၁၈ ရက်ကလည်း ဘိန်းစိမ်းခြောက်ကီလိုဂရမ် ဖမ်းဆီးရမိခဲ့ပါသေးတယ်။
