Border News Agency
အမ်း၊ ဧပြီ ၅။
အမ်းမြို့နယ်အတွင်းကသွားလာရခက်ခဲတဲ့ ဝေးလံခေါင်ဖျားကျေးရွာတွေကို အာရက္ခပြည်သူ့တော်လှန်ရေးအစိုးရ (AA/ULA) ရဲ့ ဌာနဆိုင်ရာအဖွဲ့တွေက ဒီရက်ပိုင်းအတွင်းကွင်းဆင်းပြီး ဒေသခံတွေရဲ့လူနေမှုဘဝမြှင့်တင်ရေး အသိပညာပေးလုပ်ငန်းတွေ ဆောင်ရွက်ခဲ့ကြပါတယ်။
အဲဒီကျန်းမာရေးဌာန၊ ပြည်သူ့လုံခြုံရေးဌာန (DLEPS)၊ လူသားချင်းစာနာထောက်ထားရေးရုံး (HDCO)နဲ့ အုပ်ချုပ်ရေးပိုင်းက တာဝန်ရှိသူတွေ ပူးပေါင်းပါဝင်ပြီး ရွာသူရွာသားတွေနဲ့ ရင်းရင်းနှီးနှီးတွေ့ဆုံခဲ့ကြတာပါ။
ပြည်သူ့လုံခြုံရေးဌာနကရပ်ရွာအတွင်း ရာဇဝတ်မှုကင်းစင်ရေး၊ သံသယဖြစ်ဖွယ်တွေ့ရှိပါက အချိန်မီသတင်းပို့ရေးနဲ့ ရပ်ရွာကာကွယ်ရေးလုပ်ငန်းတွေမှာ ပူးပေါင်းပါဝင်ကြဖို့ ဆွေးနွေးလမ်းညွှန်ခဲ့ပါတယ်။
အဲဒီကျန်းမာရေးဌာနကလည်း ရပ်ရွာအတွင်း ဝမ်းပျက်ဝမ်းလျှော၊ ငှက်ဖျားနဲ့ တုပ်ကွေးရောဂါတွေ ကြိုတင်ကာကွယ်ရေး၊ တကိုယ်ရည်သန့်ရှင်းရေးနဲ့ ပတ်ဝန်းကျင်သန့်ရှင်းသာယာရေးတို့အတွက် ရှင်းလင်းပြောကြားခဲ့ပါတယ်။
ဒေသခံပြည်သူတွေကလည်း သူတို့နေ့စဉ်ကြုံတွေ့နေရတဲ့အခက်အခဲတွေကို ပွင့်ပွင့်လင်းလင်းတင်ပြခဲ့ကြပြီး တာဝန်ရှိသူတွေကလည်း လိုအပ်တာတွေကို နွေးထွေးစွာ ပြန်လည်ညှိနှိုင်းဆွေးနွေးပေးခဲ့ကြပါတယ်။
