Border News Agency
ပုဏ္ဏားကျွန်း၊ အောက်တိုဘာ ၅။
အာရက္ခတပ်တော်(AA)ထိန်းချုပ်နယ်မြေတွေမှာ စက်တင်ဘာလ ၂၈ ရက်နေ့မှ အောက်တိုဘာလ ၄ ရက်နေ့ထိ အာဏာသိမ်းစစ်တပ်ကလေကြောင်းတိုက်ခိုက်လို့ ခြောက်ဆယ်ငါးဦးသေဆုံးပြီး ခုနှစ်ဆယ်ရှစ်ဦးဒဏ်ရာရသွားပါတယ်။
အဲဒီပုဏ္ဏားကျွန်းမြို့နယ်ရှိ ယိုးငူ (ဗျာလ)စစ်ဘေးရှောင်စခန်းကို အောက်တိုဘာလ ၄ ရက်နေ့က အာဏာသိမ်းစစ်တပ်လေကြောင်းတိုက်ခိုက်လို့ ဆယ့်တဦးသေဆုံးသွားပါတယ်။
အဲဒီအပြင် ပုဏ္ဏားကျွန်းမြို့နယ်၊ကျောက်ဆိပ်ကျေးရွာအနီးရှိ စစ်ဘေးရှောင်နေရာကို စက်တင်ဘာလ ၃၀ ရက်နေ့က အာဏာသိမ်းစစ်တပ်လေကြောင်းတိုက်ခိုက်လို့ ကလေးတဦးအပါအဝင်သုံးဦးဒဏ်ရာရသွားခဲ့ပြီး နေအိမ်တချို့ပျက်စီးသွားခဲ့ပါတယ်။
အဲဒီအပြင် ဝီရဌာနီနဲ့ ရသေ့တောင်မြို့ နယ်ကိုလည်း စက်တင်ဘာလ ၃၀ ရက်နေ့က အာဏာသိမ်းစစ်တပ်လေကြောင်းတိုက်ခိုက်လို့ တဦးသေဆုံးပြီး လေးဦးဒဏ်ရာရသွားခဲ့ပါတယ်။
နောက်ပြီး သံတွဲမြို့၊အမှတ် ၆ ရပ်ကွက်၊ဗောဓိကုန်းဈေးအနီးကို အောက်တိုဘာလ ၁ ရက်နေ့က စစ်တပ်လေကြောင်းတိုက်ခိုက်လို့ နှစ်ဦးဒဏ်ရာရသွားခဲ့ပါတယ်။
အဲဒီပုဏ္ဏားကျွန်းမြို့နယ်၊အောင်ဖြူပြင်ကျေးရွာမှကားဝပ်ရှော့ကိုလည်း အောက်တိုဘာလ ၂ ရက်နေ့က အာဏာသိမ်းစစ်တပ်လေကြောင်းတိုက်ခိုက်လို့ နှစ်ဦးဒဏ်ရာရသွားပြီး ကားဝပ်ရှော့ရှိကားတွေနဲ့နေအိမ်နှစ်လုံးပျက်စီးသွားခဲ့ပါတယ်။
အဲဒီအပြင် ရသေ့တောင်မြိုပေါ် ရပ်ကွက်အပါအဝင် ပြားချောင်းကြီးကျေးရွာနဲ့ပြင်ခေါင်ကျေးရွာကို အောက်တိုဘာလ ၃ ရက်နေ့က အာဏာသိမ်းစစ်တပ်လေကြောင်းတိုက်ခိုက်လို့ နှစ်ဦးသေဆုံးပြီးတဆယ့်သုံးဦးဒဏ်ရာရသွားခဲ့ပါတယ်။
နောက်ပြီး ကျောက်တော်မြို့ရှိ အိန္ဒိယဈေးနဲ့ဂစ္ဆပနဒီတံတားအနီးကို ပြီးခဲ့တဲ့ စက်တင်ဘာလ ၂၈ ရက်နေ့က စစ်တပ်လေကြောင်းတိုက်ခိုက်ခဲ့လို့ ငါးဆယ်တဦးသေဆုံးပြီး ငါးဆယ်ခုနှစ်ဦးဒဏ်ရာရသွားပါတယ်။
အဲဒီအာဏာသိမ်းစစ်တပ်လေကြောင်းတိုက်ခိုက်လို့ သေဆုံးဒဏ်ရာရသူတွေထဲမှာ အမျိုးသား၊အမျိုးသမီး၊ကလေးသူငယ်တွေ၊သက်ကြီးရွယ်အိုတွေ၊ကိုယ်ဝန်ဆောင်မိခင်တွေလည်း ပါဝင်ပါတယ်။
အာဏာသိမ်းစစ်တပ်ဟာ စာသင်ကျောင်း၊ဆေးရုံ၊ဈေးနဲ့အရပ်သားပြည်သူတွေ နေထိုင်ရာရပ်ကွက်၊ကျေးရွာတွေကို ပစ်မှတ်ထားပြီး ရည်ရွယ်ချက်ရှိရှိလေကြောင်း တိုက်ခိုက်နေပါတယ်။
