Border News Agency
ဘုတ်ပြင်း၊ ဧပြီ ၈။
တနင်္သာရီတိုင်း၊ဘုတ်ပြင်းမြို့နယ်ထဲက စစ်ကော်မရှင်တပ်စခန်းတွေကို တော်လှန်ရေးပူးပေါင်းတပ်ဖွဲ့တွေက ဒရုန်းနဲ့ တိုက်ခိုက်ခဲ့တာကြောင့် အရာရှိတဦးအပါအဝင် ၁၀ ဦးသေဆုံးခဲ့တယ်လို့ ဘုတ်ပြင်းမြို့နယ် ပကဖ က ဧပြီလ ၇ ရက်၊မနေ့ကထုတ်ပြန်ပါတယ်။
အဲဒီလေညာ-ရတနာပုံလမ်းပိုင်းမှာ ပြီးခဲ့တဲ့ မတ်လ ၂၂ ရက်ကနေ ဧပြီ ၂ ရက်အတွင်း တပ်စွဲထားတဲ့နေရာတွေနဲ့ ပြည်ကြီးမဏ္ဍိုင်မြို့နယ်ထဲက ရဲစခန်း၊ တာဝါတိုင်စတဲ့နေရာတွေကို Drop Bomb ချ တိုက်ခိုက်ခဲ့တာလို့ဆိုပါတယ်။
အဲဒီတိုက်ခိုက်မှုအတွင်း စစ်ကော်မရှင်တပ်ဘက်က ဒဏ်ရာရသူတွေကို ဘုတ်ပြင်းတပ်ဆေးရုံကို ပို့ဆောင်ခဲ့ရပြီး တော်လှန်ရေးအဖွဲ့တွေဘက်ကတော့ အထိအခိုက်မရှိဘဲ ပြန်ဆုတ်ခွာနိုင်ခဲ့တယ်လို့ဆိုပါတယ်ါ
အဲဒီစစ်ဆင်ရေးကို KNLA တပ်ရင်း ၂၀၃၊ ကော့သောင်းခရိုင် PDF တပ်ရင်း ၁၊ မြိတ်ခရိုင် PDF တပ်ရင်း ၂၊ ဘုတ်ပြင်း ပကဖ နဲ့ SSTF DRONE FORCE တို့ ပူးပေါင်းလုပ်ဆောင်ခဲ့တာလို့ဆိုပါတယ်။
အဲဒီဘုတ်ပြင်းမြို့နယ်ထဲမှာ စစ်ရေးတင်းမာနေဆဲဖြစ်လို့ နယ်မြေခံကာကွယ်ရေးအဖွဲ့တွေကလည်း လုံခြုံရေးသတိပြုကြဖို့ တိုက်တွန်းထားပါတယ်။
