Border News Agency
နေပြည်တော်၊ဧပြီ ၂၁။
အာဏာသိမ်းစစ်တပ်ထိန်းချုပ်နယ်မြေတွေမှာ အသက်ဆယ်နှစ်ပြည့်ပြီးသူတွေ၊ နိုင်ငံသားစိစစ်ရေးကတ်မရှိသေးသူတွေကို ကွင်းဆင်းလုပ်ပေးမယ်လို့အာဏာသိမ်းစစ်ခေါင်းဆောင်ပြောပါတယ်။
အဲဒီလိုဇီဝအချက်အလက်(Biometric)ကောက်ယူတာတွေကို လာမယ့်ဇူလိုင်လကုန်ထိ ရက်ပေါင်းတရာအတွင်း အပြီးလုပ်ဖို့ သမ္မတတုမင်းအောင်လှိုင်က ဧပြီလ ၂၀ ရက်နေ့ပြောတာပါ။
အဲဒီအပြင် မှတ်ပုံတင်လုပ်လိုသူတွေကိုလည်း E-ID စနစ်အတွက် ဇီဝအချက်အလက်တွေ အမြန်ဆုံးကောက်ယူဖို့ သက်ဆိုင်ရာဝန်ကြီးဌာနတွေကို ပြောပါတယ်။
အဲဒါဟာလာမယ့်ရွေးကောက်ပွဲမှာ မဲစာရင်းမှန်ကန်ဖို့အတွက် အခြေခံအကျဆုံးလုပ်ငန်းစဉ်ဖြစ်တယ်လို့ဆိုပါတယ်။
အဲဒီအပြင် နိုင်ငံကူးလက်မှတ်ထုတ်ပေးတဲ့နေရာမှာလည်း ကြန့်ကြာမှုမရှိအော င်စနစ်တကျစိစစ်အမြန်ဆုံးထုတ်ပေးဖို့နဲ့လူဝင်မှုကြီးကြပ်ရေးလုပ်ငန်းစဉ်တွေကို နည်းပညာသုံးပြီး ခေတ်မီအောင်လု ပ်သွားမယ်လို့ ဆိုပါတယ်။
အဲဒီအရပ်သားပြည်သူတွေကို ဇီဝအချက်အလက်(Biometric)ကောက်ယူတာတွေဟာ အာဏာသိမ်းစစ်တပ်ကအရပ်သားပြည်သူတွေကို အလွယ်တကူဖမ်းဆီးနိုင်ဖို့အတွက်ဖြစ်တယ်လို့ ဆိုကြပါတယ်။
အဲဒီအပြင်တော်လှန်ရေးအင်အားစုတွေကိုအလွယ်တကူစောင့်ကြည့်ဖော်ထုတ်ဖမ်းဆီးနိုင်ဖို့အတွက်မှတ်တမ်းတင်ပြု လုပ်နေတာလို့ တော်လှန်ရေးအင်အားစုတွေက ထောက်ပြကြပါတယ်။
