Border News Agency
အီရန်၊ ဧပြီ ၂၆။
အီရန်လုံခြုံရေးတပ်ဖွဲ့တွေကို တိုက်ခိုက်ခဲ့တဲ့ Jaish al-Adl လက်နက်ကိုင်အဖွဲ့ဝင် အာမာရာမက်ရှ်ဆိုသူကို အီရန်အစိုးရက ဧပြီလ၂၆ ရက်၊ ဒီနေ့မှာ ကွပ်မျက်လိုက်တယ်လို့ တာ့စ်နင်သတင်းဌာနက ဖော်ပြပါတယ်။
အဲဒီအမျိုးသားဟာ အီရန်အရှေ့တောင်ပိုင်းမှာ ပြုလုပ်ခဲ့တဲ့ အကြမ်းဖက်မှုတိုက်ဖျက်ရေး စစ်ဆင်ရေးအတွင်း ဖမ်းဆီးခံခဲ့ရတာဖြစ်ပြီး စစ်တပ်ကို ဗုံးခွဲတိုက်ခိုက်မှု၊ ချုံခိုတိုက်ခိုက်မှုတွေမှာ ပါဝင်ခဲ့တယ်လို့ စွပ်စွဲခံထားရသူပါ။
Jaish al-Adl အဖွဲ့ဟာ အီရန်နိုင်ငံရဲ့ အဆင်းရဲဆုံးဒေသဖြစ်တဲ့ စစ္စတန်-ဘာလိုချီစတန်ပြည်နယ်မှာ အခြေစိုက်လှုပ်ရှားနေတဲ့ ဆွန်နီမွတ်စလင် အစွန်းရောက်လက်နက်ကိုင်အဖွဲ့တခု ဖြစ်ပါတယ်။
အီရန်အာဏာပိုင်တွေကတော့ သူ့ကို လက်နက်ကိုင်ပုန်ကန်မှုအပါအဝင် အကြမ်းဖက်လုပ်ရပ်တွေနဲ့ တရားစွဲဆိုခဲ့ပြီးနောက် အခုလို ပြစ်ဒဏ်စီရင်ခဲ့တာလို့ ဆိုပါတယ်။
