Border News Agency
မန္တလေး၊ ဧပြီ ၃၀။
မန္တလေးမြို့ကသမိုင်းဝင် အဆောက်အအုံတခုဖြစ်တဲ့ ဂျက်ဖာဆင်စင်တာ (JCM) ကို ၂၀၂၅ ခုနှစ် ငလျင်လှုပ်ခတ်ပြီးနောက်ပိုင်း အပြည့်အဝ ပြန်လည်ပြုပြင်မွမ်းမံပြီး ဧပြီလ ၃၀ ရက်၊ ဒီနေ့မှာတရားဝင် ပြန်လည်ဖွင့်လှစ်လိုက်ပြီလို့ သိရပါတယ်။
အဲဒီစင်တာ ပြန်လည်ဖွင့်လှစ်တဲ့ အထိမ်းအမှတ်အဖြစ် အမေရိကန်သံရုံး အကြီးအကဲ ဒေါက်ဂ်ဆောန်နစ်ခ်က ဧပြီလ ၂၉ ရက်နေ့မှာ အထူးဧည့်ခံပွဲတခု ကျင်းပခဲ့ပြီး လူမှုအသိုက်အဝန်းတွေကို ပြန်လည်ကြိုဆိုခဲ့တာ ဖြစ်ပါတယ်။
ဂျက်ဖာဆင်စင်တာဟာ အမေရိကန်ပြည်ထောင်စုနဲ့ အထက်မြန်မာပြည်ကြားမှာ ဆယ်စုနှစ်ပေါင်းများစွာ အရေးပါတဲ့ ယဉ်ကျေးမှုနဲ့ ပညာရေး ပေါင်းကူးတံတားတခုအဖြစ် တည်ရှိခဲ့တဲ့ နေရာတခုလည်း ဖြစ်ပါတယ်။
အခုလို ပြန်လည်မွမ်းမံလိုက်တာဟာ လူငယ်ခေါင်းဆောင်တွေ၊ ပညာရှင်တွေနဲ့ ကျောင်းသူကျောင်းသားတွေအတွက် လေ့လာသင်ယူဖို့နဲ့ ဆန်းသစ်တီထွင်မှုတွေလုပ်ဖို့ ဘေးကင်းလုံခြုံတဲ့ ရပ်ဝန်းတခုကို ဖန်တီးပေးလိုက်တာလို့ ဆိုပါတယ်။
အဲဒီဂျက်ဖာဆင်စင်တာမှာ အပြန်အလှန် ချိတ်ဆက်မှုတွေနဲ့ ပညာရေးဆိုင်ရာ ကိစ္စရပ်တွေကို အရင်ကလိုပဲ ပြန်လည်ဆောင်ရွက်သွားနိုင်တော့မှာ ဖြစ်ပါတယ်။
