Border News Agency
ပလက်ဝ၊ ဩဂုတ် ၁၁။
အာရက္ခတပ်တော်ထိန်းချုပ်ထားတဲ့ ပလက်ဝမြို့ကို အာဏာသိမ်းစစ်တပ်လေကြောင်းတိုက်ခိုက်လို့ ကလေးနှစ်ဦးဒဏ်ရာရသွားပါတယ်။
အဲဒီပလက်ဝမြို့ကို ဩဂုတ်လ ၁၁ ရက်၊ဒီနေ့ မနက် ၇ နာရီခွဲကျော်အချိန်ခန့်က အာဏာသိမ်းစစ်တပ်လေကြောင်းတိုက်ခိုက်ခဲ့တာပါ။
အဲဒီလိုတိုက်ခိုက်တာကြောင့် အဖဦးသောက်ကြာရဲ့သမီး အသက်ဆယ့်ကိုးနှစ်အရွယ်မထွေးစိန်နဲ့ အဖဦးကင်းနှုံရဲ့သမီး အသက်ဆယ့်သုံးနှစ်အရွယ် မသန္တာထိုက်ဒဏ်ရာရသွားခဲ့ပါတယ်။
အဲဒီမထွေးစိန်ဟာကိုးတန်းနဲ့ကျောင်းနားထားသူဖြစ်ပြီး မသန္တာထိုက်ကတော့ ပီချောင်းဖျားရေတံခွန်ကျေးရွာမှ ပလက်ဝမြို့မှာခြောက်တန်းသင်နေသူဖြစ်ပြီး သူတို့နှစ်ဦးဟာ ခူမီးလူမျိုးတွေဖြစ်ကြပါတယ်။
အဲဒီပလက်ဝမြို့နယ်ကြောင်ချောင်းရွာကို ပြီးခဲ့တဲ့မတ်လ ၂၉ ရက်နေ့ကလ ည်း အာဏာသိမ်းစစ်တပ်လေကြောင်းတိုက်ခိုက်လို့ ခုနှစ်ဦးသေဆုံးပြီးလေးယောက်ဒဏ်ရာရသွားခဲ့ပါတယ်။
