Border News Agency
သံတွဲ၊ သြဂုတ် ၁၁။
သံတွဲမြို့နယ်၊ ကျောက်ကြီးကျေးရွာကို အာဏာသိမ်းစစ်တပ်လေကြောင်းတိုက်ခိုက်လို့ အရပ်သားဆယ့်လေးဦးသေဆုံးပြီး ဆယ့်တဦးဒဏ်ရာရသွားခဲ့တယ်လို့ အာရက္ခတပ်တော်က ဩဂုတ်လ ၁၁ ရက်၊ ဒီနေ့ထုတ်ပြန်ပါတယ်။
အဲဒီကျောက်ကြီးကျေးရွာကို ဩဂုတ်လ ၁၀ ရက်၊ နေ့လည် ၁ နာရီအချိန်ခန့်က အာဏာသိမ်းစစ်တပ်မှ တိုက်လေယာဥ်နှစ်စီးနဲ့ လေကြောင်းမှရွယ်ရည်ချက်ရှိရှိ တိုက်ခိုက်ခဲ့တာပါ။
အဲဒီလိုတိုက်ခိုက်ခဲ့တာကြောင့် ကျောက်ကြီးကျေးရွာမှ အသက်ခြောက်နှစ်အရွယ် မောင်အောင်မြင့်မြတ်၊အသက်ကိုးနှစ်အရွယ်မဘုန်းပွင့်စံ၊နှစ်တယ့်တနှစ်အရွယ် မခိုင်ဇံသင်း၊အသက်သုံးဆယ်ခြောက်နှစ်အရွယ် ဒေါ်မဇွန်မီ၊အသက်လေးဆယ်အရွယ် ဒေါ်စုဝေဖြိုး၊အသက်လေးဆယ်ငါးနှစ်အရွယ် ဒေါ်စန်းစန်းမော်၊အသက်လေးဆယ်ကိုးနှစ်အရွယ် ဦးမောင်မောင်နိုင်၊အသက်ငါးဆယ်ခုနှစ်နှစ်အရွယ် ဒေါ်မနီ၊အသက်ခြောက်ဆယ်ငါးနှစ်အရွယ် ဒေါ်ခင်သန်းမြင့်၊အသက်ရှစ်ဆယ်သုံးနှစ်အရွယ်ဒေါ်ခင်အုန်း၊အသက်ရှစ်ဆယ်ခြောက်နှစ်အရွယ် ဒေါ်မကြီး၊အသက်ရှစ်တယ်ခုနှစ် နှစ်အရွယ် ဒေါ်ညီမပု၊အသက်ရှစ်ဆယ်ရှစ်နှစ်အရွယ် ဦးဖိုးငြိမ်းနဲ့ ဒေါ်ချစ်ပုတို့ သေဆုံးသွားခဲ့ပါတယ်။
အဲဒီအပြင်အသက်နှစ်ဆယ့်ငါးနှစ်အရွယ် မမိုးမိုးသန်း၊အသက်သုံးဆယ်တနှစ်အရွယ် ဦးကျော်နိုင်လင်း၊အသက်သုံးဆယ်ငါးနှစ်အရွယ် ဦးထက်လင်းအောင်၊အသက်သုံးဆယ်ရှစ်နှစ်အရွယ် ဒေါ်ပြည့်ဖြိုးဝေ၊အသက်သုံးဆယ်ရှစ်နှစ်အရွယ် ဦးဇော်မင်းလွင်၊အသက်သုံးဆယ်ရှစ်နှစ်အရွယ် ဦးမောင်မြင့်သူ၊အသက်ခြောက်ဆယ်ငါးနှစ်အရွယ် ဒေါ်မှဲ့နီ၊အသက်ခြောက်ဆယ်ငါးနှစ်အရွယ် ဦးကိုမဲ၊အသက်ခြောက်ဆယ်ခုနှစ်နှစ်အရွယ် ဦးမောင်ဖြူ၊အသက်ခုနှစ်ဆယ်ငါး နှစ်အရွယ် ဦးမောင်ဖြူနဲ့အသက်ခုနှစ်ဆယ်ခုနှစ်နှစ်အရွယ် ဦးသောင်းရွှေတို့ ဒဏ်ရာပြင်းပြင်းထန်ထန်ရသွားခဲ့ပါတယ်။
နောက်ပြီး အရပ်သားတွေရဲ့ နေအိမ်အဆောက်အအုံနှစ်ဆယ်ပျက်စီးခဲ့ပါတယ်။
အဲဒီသံတွဲမြို့နယ်ထဲက ကျေးရွာတွေကို သြဂုတ်လ ၃ ရက်နေ့နဲ့ ပြီးခဲ့တဲ့ဇူလိုင်လကလည်း အာဏာသိမ်းစစ်တပ်ကလေကြောင်းကနေ အကြိမ်ကြိမ်တိုက်ခိုက်ခဲ့တာကြောင့် အရပ်သားသေဆုံးမှုတွေနဲ့ နေအိမ်ပျက်စီးမှုတွေရှိခဲ့ပါတယ်။
အဲဒီသံတွဲမြို့နယ်ကို အာဏာသိမ်းစစ် တပ်လေကြောင်းတိုက်ခိုက်တာတွေပိုလုပ်နေတာမို့ ပြည်သူတွေလေကြောင်းနဲ့ရေကြောင်းအန္တရာယ် သတိထားကြဖို့ အာရက္ခတပ်တော်ထပ်အသိပေးထားပါတယ်။
