Border News Agency
မောင်တော၊ မေ ၁။
အာရက္ခတပ်တော်(AA)ထိန်းချုပ်ထားတဲ့ မောင်တောမြို့နယ်မှာ ဧပြီလ ၂၇ ရက်နေ့က မြေမြှုပ်မိုင်းနင်းမိလို့ ကလေးငယ်တဦး ခြေပြတ်သွားတယ်လို့သိရပါတယ်။
အဲဒီမောင်တောမြို့၊၄ မိုင် မူဆလင်ရွာမှ ဦးယာဆိမ်းရဲ့သား အသက်ဆယ့်တနှစ်အရွယ် မာဟူဒိမ်းခြေထောက်ပြတ်ထွက်သွားခဲ့တာပါ။
သူဟာဧပြီလ၂၇ ရက်၊ မနက်ပိုင်းကသူငယ်ချင်းသုံးဦးနဲ့ အပြင်သွားချိန် စိတ္တသုခဘုန်းကြီးကျောင်းအနီးမှာ မြေမြုပ်မိုင်းနင်းမိခဲ့တာဖြစ်ပါတယ်။
အဲဒီလိုမြေမြုပ်မိုင်းနင်းမိလို့ မာဟူဒိမ်းမှာ ဘယ်ဖက်ခြေထောက်ဒူးဆစ်အောက်ကနေပြတ်ထွက်သွားပြီး ညာဖက်ခြေထောက်တွင်လည်း ဒဏ်ရာရသွားခဲ့ပါတယ်။
အာရက္ခတပ်တော်ဟာ သူတို့ ထိန်းချုပ်မြို့နယ်တွေမှာ မိုင်းရှင်းလင်းရေးတွေ လုပ်ဆောင်နေပေမယ့် အရပ်သားပြည်သူတွေကတော့ မြေမြုပ်မိုင်းအန္တရာယ်တွေ၊ စစ်ကျန်လက်နက်အန္တရာယ်တွေကိုလည်း မကြာခဏကြုံတွေ့နေကြရသလို သေဆုံးဒဏ်ရာရထိခိုက်တာတွေ မကြာခဏဖြစ်နေကြတယ်လို့ အာရက္ခပြည်သူတွေက ဆိုကြပါတယ်။
အာရက္ခပြည်သူ့တော်လှန်ရေးအစိုးရဟာ မိုင်းအသိပညာပေးမှုတွေ၊ မြေမြုပ်မိုင်းအန္တရာယ်ဟောပြောပွဲတွေကို ပြည်သူလူထုတွေကြားမှာ လုပ်ဆောင်နေပြီး မိုင်းအသိပညာဝေတာတွေ၊ မိုင်းအန္တရာယ်ဆိုင်ရာ သတိပေးတာတွေကို ပုံမှန်လုပ်ဆောင်နေပါတယ်။
ဒါပေမယ့် အာရက္ခပြည်သူတွေဟာ စစ်ကော်မရှင်တပ်ရဲ့ မိုင်းတွေ၊ စစ်ကျန်လက်နက်အန္တရာယ်တွေကို မကြာခဏကြုံတွေ့နေကြရတာမို့ မိုင်းရှင်းလင်းပေးတာတွေ၊ မိုင်အသိပညာပေးတာတွေကို ပိုမိုဆောင်ရွက်ပေးဖို့ လိုအပ်နေသေးတယ်လို့ အာရက္ခပြည်သူတွေက ဆိုကြပါတယ်။
