Border News Agency
နေပြည်တော်၊ မေ ၁၊။
ဒေါ်အောင်ဆန်းစုကြည်ကို နေအိမ်အကျယ်ချုပ် ပြောင်းရွှေ့လိုက်ပြီလို့ အာဏာသိမ်းစစ်တပ်ကကြေညာပြီးနောက် သူမနဲ့ လူချင်းတွေ့ဆုံနိုင်ဖို့ ရှေ့နေအဖွဲ့က ပြင်ဆင်နေပါတယ်။
လာမယ့် မေလ ၃ ရက်နေ့မှာ ဒေါ်အောင်ဆန်းစုကြည်နဲ့ လူချင်းတိုက်ရိုက်တွေ့ပြီး ရှေ့ဆက်ရမယ့် ဥပဒေရေးရာကိစ္စတွေကို ဆွေးနွေးဖို့ ရှေ့နေအဖွဲ့က မျှော်လင့်နေတာပါ။
အရင်ကတော့ အပတ်စဉ် တနင်္ဂနွေနေ့တိုင်း အစားအသောက်နဲ့ ဆေးဝါးတွေကို ထောင်ဆီသွားပို့ပေးရပေမယ့် လူချင်းတွေ့ခွင့်မရဘဲ ရဲစခန်းမှာပဲ ပစ္စည်းတွေထားခဲ့ရတာ ဖြစ်ပါတယ်။
အခုလို နေအိမ်ပြောင်းရွှေ့ပေးလိုက်တာဟာ နိုင်ငံတကာနဲ့ တရုတ်နိုင်ငံရဲ့ ဖိအားတွေကြောင့် ဖြစ်နိုင်တယ်လို့ သုံးသပ်မှုတွေ ရှိနေပါတယ်။
ဒါပေမယ့် သားဖြစ်သူ ကိုထိန်လင်းနဲ့ တော်လှန်ရေးအင်အားစုတွေကတော့ ဒါဟာ ဓားစာခံအဖြစ် ဆက်ဖမ်းထားတာသာ ဖြစ်လို့ နိုင်ငံရေးအကျဉ်းသားအားလုံးကို ချွင်းချက်မရှိ လွှတ်ပေးဖို့ ဆက်လက်တောင်းဆိုသွားမယ်လို့ သိရပါတယ်။
