Border News Agency
အာသံ၊ မေ ၂။
အိန္ဒိယနိုင်ငံ၊ အာသံပြည်နယ်၊ လီဒိုဒေသမှာ ပြီးခဲ့တဲ့ဧပြီလ ၃၀ ရက်နေ့က ဒုတိယကမ္ဘာစစ်လက်ကျန်မပေါက်ကွဲသေးတဲ့ ဗုံးဟောင်းတလုံးကို တွေ့ရှိခဲ့တာကြောင့် ဒေသခံတွေကြား ထိတ်လန့်မှုတွေဖြစ်ပေါ်ခဲ့ပါတယ်။
အဲဒီ ဗုံးတွေ့ရှိတဲ့နေရာကို အိန္ဒိယစစ်တပ်က အမြန်ဆုံးရောက်ရှိလာပြီး ဘေးပတ်ဝန်းကျင်က ဒေသခံတွေကို ရွှေ့ပြောင်းပေးကာ နယ်မြေလုံခြုံရေးကို အပြည့်အဝရယူခဲ့ပါတယ်။
အဲဒီနောက် စစ်တပ်ရဲ့ကျွမ်းကျင်အဖွဲ့က ဗုံးကို အန္တရာယ်ကင်းကင်းနဲ့ သယ်ဆောင်သွားပြီးနောက် ဘယ်လိုထိခိုက်ပျက်စီးမှုမှ မရှိအောင် အောင်မြင်စွာ ဖောက်ခွဲဖျက်ဆီးနိုင်ခဲ့တာပါ။
စစ်တပ်ရဲ့ လျင်မြန်တဲ့ လုပ်ဆောင်မှုကြောင့် ဒေသခံတွေအတွက် ရှိလာနိုင်တဲ့ အန္တရာယ်ကို အချိန်မီ ကာကွယ်ပေးနိုင်ခဲ့ပါတယ်။
အခုဗုံးတွေ့ရှိတဲ့လီဒိုဒေသဟာ ဒုတိယကမ္ဘာစစ်အတွင်းက အရေးပါတဲ့ စစ်ကြောင်းတခု ဖြစ်ခဲ့တာကြောင့် အခုလို စစ်လက်ကျန်ဗုံးတွေ ပြန်လည်တွေ့ရှိနေရတာဖြစ်ပါတယ်။
