Border News Agency
ပဲခူး၊မေ ၈။
ပဲခူးတိုင်း၊ ပန်းတောင်းမြို့နယ်ထဲက အာဏာသိမ်းစစ်တပ်ရဲ့ ကပစ ၁၆အနားရှိ ဗျူဟာကုန်းနဲ့ ကာကင်းစခန်း ၄ ခုကို အာရက္ခတပ်တော် (AA) က တိုက်ခိုက်သိမ်းပိုက်လိုက်ပါတယ်။
အဲဒီတိုက်ပွဲကို မေလ ၄ ရက်နေ့ကနေ ၇ ရက်နေ့အထိတိုက်ခိုက်ခဲ့တာဖြစ်ပြီး အာဏာသိမ်းစစ်တပ်ဘက်က အလောင်း ၂၀ ကျော်နဲ့ လက်နက်ခဲယမ်းတွေကို အာရက္ခတပ်တော် က သိမ်းဆည်းရမိခဲ့တာပါ။
အဲဒီစခန်းတွေမှာ အာဏာသိမ်းစစ်တပ်ရဲ့ ခမရ ၃၆၃၊ ၃၆၄၊ ၃၆၆၊ ၃၆၉ တပ်ရင်းတွေက ခုခံခဲ့တာဖြစ်ပြီး အခုတော့ အထိနာပြီး ထွက်ပြေးသွားကြပါတယ်။
အဲဒီ ထွက်ပြေးသွားတဲ့သူတွေကို အာရက္ခတပ်တော်ကလိုက်လံရှင်းလင်းနေသလို ကျန်နေတဲ့ လက်ကျန်စခန်းတွေကိုလည်း ဆက်ပြီး ထိုးစစ်ဆင်နေပါတယ်။
