Border News Agency
မဲဆောက်၊ဇွန် ၁၁။
ထိုင်းနိုင်ငံ၊မဲဆောက်မြို့ ဈေးကြီးထဲမှာ နိုင်ငံခြားသားတွေ လုပ်ခွင့်မရှိတဲ့ အလုပ်တွေကို လုပ်ကိုင်နေသူတွေကို ထိုင်းအာဏာပိုင်တွေက ဒီနေ့ ရှောင်တခင် ဝင်စစ်ဆေးပါတယ်။
အဲဒီစစ်ဆေးမှုအတွင်း မြန်မာ ၁၀ ဦးကို ဖမ်းဆီးမိခဲ့ပြီး ဥပဒေအရ အရေးယူဖို့ မဲဆောက်ရဲစခန်းကို ပို့ထားပါတယ်။
ထိုင်းအာဏာပိုင်တွေက ဒီလိုစစ်ဆေးတာမျိုးကို ဆက်ပြီး တင်းတင်းကျပ်ကျပ် လုပ်သွားမယ်လို့လည်း သတိပေးထားပါတယ်။
အဲဒီအပြင်ထိုင်းနိုင်ငံတောင်ပိုင်း၊ ရနောင်းခရိုင်ထဲမှာလည်း ရေလမ်းကနေ တရားမဝင် ခိုးဝင်လာတဲ့ မြန်မာ ၅ ဦးကို ထိုင်းရဲတပ်ဖွဲ့က ဖမ်းဆီးလိုက်ပါတယ်။
သူတို့ကို နိုင်ငံထဲ တရားမဝင် ဝင်ရောက်မှုနဲ့ အရေးယူပြီး နေရပ်ကို ပြန်ပို့ဖို့ စီစဉ်နေတယ်လို့ သိရပါတယ်။
