Border News Agency
မကွေး၊ဇွန် ၁၉။
မကွေးတိုင်း၊ဂန့်ဂေါမြို့နယ်မှာရှိတဲ့ ပြည်သူလူထုနဲ့အတူ ဒေါ်အောင်ဆန်းစုကြည်ရဲ့ အသက် ၈၁ နှစ်ပြည့် မွေးနေ့အထိမ်းအမှတ် နှင်းဆီလှုပ်ရှားမှုကို ပြုလုပ်ခဲ့ကြပါတယ်။
အဲဒီလှုပ်ရှားမှုကို လက်ပံတောင်းတောင် ပင်မသပိတ်ကော်မတီက ဦးဆောင်ပြီး ကျင်းပခဲ့တာ ဖြစ်ပါတယ်။
လှုပ်ရှားမှုအတွင်း ဒေသခံပြည်သူတွေဟာ ဒေါ်အောင်ဆန်းစုကြည်ရဲ့ မွေးနေ့ကို ရည်စူးပြီး နှင်းဆီပန်းတွေနဲ့အတူ စစ်အာဏာရှင်ဆန့်ကျင်ရေး သပိတ်လှုပ်ရှားမှုကို ဆင်နွှဲခဲ့ကြပါတယ်။
အခုလို ဇွန်လ ၁၉ ရက်နေ့မှာ ကျရောက်တဲ့ ဒေါ်အောင်ဆန်းစုကြည်ရဲ့ မွေးနေ့အထိမ်းအမှတ်အဖြစ် နှင်းဆီလှုပ်ရှားမှုတွေကို ပြည်တွင်းပြည်ပ နေရာအနှံ့အပြားမှာ ပြည်သူတွေက ပုံသဏ္ဍာန်မျိုးစုံနဲ့ ပြုလုပ်နေကြတာ ဖြစ်ပါတယ်။
