Border News Agency
စစ်ကိုင်း၊ဇွန် ၁၉။
စစ်ကိုင်းတိုင်း၊ကနီမြို့နယ်မှာဇွန်လ ၁၉ ရက်၊ဒီနေ့ မှာကျရောက်တဲ့ ဒေါ်အောင်ဆန်းစုကြည်ရဲ့ ၈၁ နှစ်ပြည့်မွေးနေ့အဖြစ် နှင်းဆီလှုပ်ရှားမှုနှင်းဆီသပိတ်ကို ပြုလုပ်ခဲ့ကြပါတယ်။
အဲဒီလှုပ်ရှားမှုကို ကနီမြို့နယ်၊သပိတ်ဦးဆောင်ကော်မတီ၊ ဒေသခံပြည်သူတွေနဲ့အတူ ပြည်သူ့အခြေပြုကျောင်းတွေက ကျောင်းသားလူငယ်တွေ စုပေါင်းပြီး ပါဝင်ဂုဏ်ပြုခဲ့ကြတာ ဖြစ်ပါတယ်။
သပိတ်အတွင်း ပါဝင်သူတွေက ဒေါ်အောင်ဆန်းစုကြည် ကျန်းမာဖို့နဲ့ အချုပ်အနှောင်ကနေ အမြန်ဆုံးလွတ်မြောက်ဖို့ ဆုတောင်းခဲ့ကြပြီး နိုင်ငံရေးအကျဉ်းသားအားလုံးကိုလည်း ချက်ချင်းလွှတ်ပေးဖို့ တောင်းဆိုခဲ့ကြပါတယ်။
ဒါ့အပြင် “အမေစုနဲ့အတူ ဆက်လက်တိုက်ပွဲဝင်ကြ”ဆိုတဲ့ ကြွေးကြော်သံတွေနဲ့အတူ စစ်အာဏာရှင်စနစ် ဆန့်ကျင်ရေးကို မြေပြင်မှာ တက်ကြွစွာ လှုပ်ရှားခဲ့ကြတယ်လို့ သိရပါတယ်။
