Border News Agency
ရေ၊ဇွန် ၃၀။
ရာမညမွန်တပ်တော်မှဦးစီးပြီး ဒေသလုံခြုံရေးတပ်သင်တန်းဆင်းပွဲ အခမ်းအနားကို ကျင်းပခဲ့တယ်လို့ ရာမညမွန်တပ်တော်မှဇွန်လ ၂၉ရက်၊ မနေ့က ထုတ်ပြန်ပါတယ်။
အဲဒီဒေသခံတွေပါဝင်တက်ရောက်ခဲ့တဲ့ ဒေသလုံခြုံရေးတပ်ရဲ့ သင်တန်းဆင်းပွဲကို ဇွန်လ ၂၈ ရက်နေ့မှာ ပြုလုပ်ခဲ့တာဖြစ်ပါတယ်။
အဲဒီအခမ်းအနားကို ရာမညမွန်တပ်တော် (RMA) မှ စစ်ဦးစီးချုပ် ဗိုလ်ချုပ်စလွန်းထော်၊ မြောက်ပိုင်း ဒေသကွပ်ကဲရေးတာဝန်ခံနိုင်သူရဌေး၊ အမှတ် ၂ ဒေသကွပ်ကဲရေးတပ် တပ်ရင်းမှူး ဒုဗိုလ်မှူးကြီးရးဇၞူ ဍုင်၊ (RMA) ၉၀၂ တပ်ရင်းမှ တပ်ရင်းမှူး ဒုဗိုလ်မှူးကြီးအငယ်ကောင်၊ဒုတပ်ရင်းမှူး ဗိုလ်မှူး လင်းပြည့်အောင်၊ သင်တန်းကျောင်းအုပ် ဗိုလ်ကြီးမြဟ်ဆာဲ (မရော့ချိုင်း) တို့ တက်ရောက်ခဲ့ကြပါတယ်။
အဲဒီအပြင် သင်တန်းဆင်းတပ်သားတွေကို ဗိုလ်ချုပ်စလွန်းထော်၊ နိုင်သူရဌေး၊ သင်တန်းကျောင်းအုပ် ဗိုလ်ကြီးမြဟ်ဆာဲ (မရော့ချိုင်း)တို့မှ အမှာစကားတွေလည်း ပြောကြားခဲ့ပါတယ်။
